19. Asin an magña discipulo guiniribo idto siring sa pagcasogo sa sainda ni Jesús, asin pinag-arandam ninda an pasco.
20 Asin can dominatong an hapon, sia tominucao sa cacanan cairiba an cagduang discipulo.
21 Asin can nagcacaracan, sinabihan sinda, Sa catotoohan sinasabihan co camo, na an saro sa saindo ipapasaloib aco.
22 Asin sinda nagmorondô nin macuri; asin nagporoon an balang sarò na pagsabihan sia, ¿Acó gayod, Cagurangnan?
23 Tará sia sominimbag, na sinabihan, Idtong caiba cong minagaogao can camót sa pingan iyo an magpapasaloib sa sacô.
24 An Aqui nin tauo madumán, sa catotoohan, siring sa násusurat dapit sa saiya; tará herac man caidtong tauo na hali saiya an Aqui nin tauo ipagpapasaloib, marahay pa sa tanong idto na noarin pa man day sia cutâ ipinagñaqui.
25 Dagñan sominimbag si Judas, si magpapasaloib saiya, na sinabihan, sia ¿Acó gayod, Rabbi? Si Jesús nagsabi, Icá an nagsabi.
26 Asin can sinda nagcacaracan, si Jesus quinua an sarong tinapay, asin benendicionan, asin binaragñâ, asin itinaó idto sa magña discipulo, na sinabihan, Cuaa nindo, cacaná uindo; ini iyo an sacong hauac.
27 Asin quinua an copa, nagpasalamat, asin itinaó ini sa sainda, na nagsabi, Mag-irinom digdi an gabos.
28 huli ta ini iyo an dugo co, an dugo nin Bagong Tipan, na ini magbobolos sa carabayan nin cadaclan, sa pagpatauad nin magña casalan.
29 Tará sinasabihan co camo, na magpoon gñunian day na acó mag-iinom caining bugña nin uvas, sagcod sa aldao na idtó iinomon cong bago cairiba co camó sa cahadêan nin sacong Amâ.
30 Asin paca-auit ninda nin sarong himuo, nagduruman sa buquid nin magña Olivo.
31 Dagñan si Jesús nagsabi sainda, Camó gabos inacácaona nin escándalo na icararaot sa banguing ini, huli ta násusurat
