42 huli ta nagotom acó, asin day acó nindo pinacacan; napahâ aco, asin day aco nindo pinainom;
43 naquisacat acó, asin day acó nindo pinasacat; hubâ, day acó nindo pinagubigñan; naghehelang, asin na bibilangô acó, asin day acó nindo sinongcô.
44 Dagñan sinda man magsisirimbag, na magsasarabi, Cagurangnan, casoarin nahiling mi icá na nagogotom, ó napapaha, naquiquisacat, ó naghuhubâ, ô naghebelang, ó sa bilangoan, asin day mi icá pinaglincodan?
45 Sia dagñan sisimbagon sinda, na sasabihan, Sa catoohan, sasabihan co canó, na bastang day nindo guinibo iyan sa sarô sa magña sasadang na ini, minsan sa sacô day nindo ini guinibo man.
46 Asin ining magña ini magpapaduman sa silot na daing casagcodan; alagad an magña banal sa buhay na daing casagcodan.
1 Asin nangyari na can matapus ni Jesús ining gabos na magña pag-tocdo, sinabihan an saiyang magña discipulo,
2 Naaaraman nindo na sa laog nin duang aldao guiguibohon an Pascua, asin an Aqui nin tauo papasaloiban ta gñaning ipacó sa crúz.
3 Dagñan an magña poón nin magña sacerdote, asin an magña magurang sa banua nagtiripon sa palacio nin cahorohalangcao na sacerdote, na inaapod na Caifás;
4 asin nagharatol ta gñaning dacopon si Jesús sa daya na palacao asin ipagadan sia.
5 Tará nagsarabi, Bacong sa capistahan, ta tibaad magcaririboc an magña tauo.
6 Asin can nasa Bethania si Jesús, sa harong ni Simon na daoton,
