23 Asin gagadanon co an saindang magña áquî sa cagadanan; asin an gabos na magña Iglesias magpapacatalastas na aco iyo an nacacarorop can nasa sa irarom nin magña puso asin magña boot: asin tatauan co an lambang sarô sa saindo nin siring sa saindong magña gauê-gauê.
24 Alagad sinasabi co sa saindo, asin sa magña ibang nasa Tiatira, na siysay man na mayô can paaguing ini, asin na day nagpacamidbid can magña hilom ni Satanás, siring sa magña olay Day co camo papadarban nin ibang cagabatan.
25 Alagad iyan na yaon-na sa saindo, higñate ó rimposa nindo sagcod na domatong aco.
26 Asin itong nacadaog, asin naghigñat can sacuyang magna guinibo sagcod sa catapusan, tatauan co sia nin capangyarihan sa catauohan;
27 Asin papacuyugon sinda can sogcod na lansang ó batbat, asin na magcacaboroong na siring can bobog nin alfarero ó paraguibo nin magña tapayan na dagâ, siring man can pagcacamti co sa sacuyang Amâ:
28 Asin itátao co sa saiya an bitoon sa macaága.
29 An igua nin pacadagñog, maghinaniog can ipinagsasabi can Espíritu sa magña Iglesias.
1 Asin suratan mo an Angel sa Iglesia nin Sardis: Itong igua nin pitong Espíritus nin Dios, asin nin pitong bitoon, nagsasabi can magña bagay na ini: Namimidbid co an saymong magña guibo, na igua ca nin gñaran na nabubuhay ca asin ta gadan ca.
2 Maghigñat ca asin pacarígonon mo an ibang magña bagay na magagadanona; háros ta day co nahiling na mahusay an saymong magña guibo-guibo sa atubagñan niu Dios.
3 Cayá sucat na guiromdomon mo itong inacô mo asin nadaguog mo, asin higñatan mo iyan, patin magsolsol ca. Asin con day ca magpúpuca, maḍatong aco sa saymo na siring sa mahábon, asin day ca macacaaram con anong horas ó panahon madatong aco dian sa saymo.
