14 Alagad igua aco nin magña bagay na cadiquit na nasasalan sa saymo: huli ta igua ca dian caitong igua can doctrina ó pagtocdo ni Balaan, na ini nagtotocdô qui Balao na magbugtac nin capaaracan sa atubang can magña áquí ni Israel, na magcacan can magña bagay na idinolot sa magña anito, patin na macaguinibo can pagsasambay.
15 Siring man igua ca dian can magña iguang doctrina ó paágui nin magña Nicolaitas, na iyan nababaldian co.
16 Magsolsol ca, ta con day nangayod, madatong aco sa madalê sa saymo, asin maquiquilaban aco tumang sa sainda sa espada nin sacuyang gñosô.
17 Itong igua nin pacadagñog, maghinaniog can ipinagsasabi can Espírita sa magna Iglesias. An macadaog, itátao cong cacanon an maná na naririmpos, asin tatauan co sia nin sarong sadagñoton na gapong maputi, asin dian sa gapong sadagňoton masusurat an sarong gñaran na bago, na iyan day Din siysay na macamidbid condi itong minaacò caiyan.
18 Asin suratan mo an Angel can Iglesia sa Tiatira: An Aquí nin Dios na igua sia nin magna matá na siring baga sa laad nin calayo, asin an saiyang magña bitis anan na cabaing can latón ó cobreng maquintab, nagsasabi can magña bagay na ini:
19 Namidbid co an saymong magña guibo, asin pagcaberac, asin paglingcod, asin pagtubod, asin pacatíos, patin na si magña guibo mong nahuri anan na magña orog sa magña nagcaerenot.
20 Alagad igua aco nin magña cadiquit na nasasalan sa saymo: huli ta tinotogotan mo itong babae na si Jezabel (na pinagsasabing man hubulâ ó profetiza) na magtocdô asin magdayâ sa magña oripon co, na magñagsarambayan, asin magcaracan can magña bagay na anan na ipinag-atang sa magña Anito.
21 Asin tinauan co sia nin panahon tagñaning magsolsol can dapit sa pagsambay; asin day sia nagsolsol.
22 Uya digdi, aco patumbahon co sia sa higdaan, asin si magña nagñagdodorog sa bacong agom na may agom pa na cadamay nia, sa macuri ca daculaon na casaquitan, con day sinda magñag-solsol can saindang magña guibo:
