8 Maghiling camo huli sa saindo man sana, tagñaning day niato mauará ó masayang an magña bagay, na naguinibo niato, condi na magcamit quita nin tunay ó bulaos na balos.
9 An siysay man na minatumang, asin day nagdadanay dían sa doctrina ó pagtocdó ni Cristo, day nacamtan ó day sa saiya an Dios: an nagdadanay sa doctrina ni Cristo, an siring, nasa saiya an Amá asín an Aquí.
10 Con an siysay man pomadigdi sa saindo, asin day niya dará an doctrinang ini, day camo magácô sa saiya sa harong, day man nindo pagsabihan: ¡Magayagayang pagdatong mo!
11 Huli ta an magtataram sa saiya nin magayagayang pagdatong, naquiquidomamay can saiyang magña maraot na guibo.
12 Minsan igua acong dacol na magña bagay na isusurat sa saindo, day co binoot na ipahayag sa saindo iyan sa papel asin sa tinta; condi naghahalat aco na macadian sa saindo, asin na magtaram sa gñosó nangayod, tagñaning an satuyang caogmahan maotob.
13 Si magña áquí nin saymong tugang na pinili minataong cagalagñan sa saymo. Auot pa.
