AN ICADUANG SURAT
NI
APÓSTOL
SAN JUAN.
IYO SANANG CABTANG.
1 An magugurang manogñod sa cagurangnan na babaeng pinili asin sa saiyang magña áquí, na sa sainda namomoot aco sa catotoohan; asin bacó sanang gayo aco, condi man an gabos na nagpacamid bid can catotoohan,
2 Huli can catotoohan na uya sa satuyá, asin magdadanay sagcod lamang sa satuyá:
3 Mapasaindo logod an biyayá, pagcaherac patin catoninogñan nin Dios Amá, asin nin Cagurangnan na si Jesucristo, Aquí nin Amá, sa catotoohan asin sa pagcamoot.
4 Macuri si sacuyang pagcaogma, huli ta naaraman co dapit can say mong magña áquí, na naglalacao sa catotooĥan, siring sa pagcaacó niato can togon ó cabótan nin Amá.
5 Asin gñunian naquiquimaherac aco saymo, Cagurangnan, bacó na siring sa sinusuratan taca nin sarong pagboot na bâgó, condi ito na inacó niato ó nacamtana niato magpoon can capinônan, na magcamoroot-mootan quita man sana.
6 Asin ini iyo an pagcamoot, na maglacao quita sonó sa saiyang magña togon. Ini iyo an togon: Na maglacao camo dian, siring sa pagcahinaniog nindo magpoon can capinónan.
7 Huli ta dacol an magna madadayá na nagpanlaog sa quinában, na sinda day nagboboyboy na si Jesucristo napadigdi sa laman. Ining siring na tauo iyo an madadayá, patin iyo an tumang qui Cristo (anticristo).
