cadicloman nagpacaágui na, asin an totoong ilao nacacaliuanag na.
9 An nagsasabi na nasa caliuanagan, asin nababaldi sa saiyang tugang, an siring sa saiya ay nasa sa cadicloman pa siya guiraray.
10 An namomoot sa saiyang tugang, iyan nasa sa caliuanagan ó ilao, asin day mayong madadalinasan sa saiya.
11 Alagad an nababaldi sa saiyang tugang, nasa sa cadicloman siya, asin naglalacao sa cadicloman, asin day nacacaaram con sain papaduman; huli ta si magña dampog dinadampolan an saiyang magña matá.
12 Minasurat aco sa saindo, magña sadagñoton na magña áquí, háros ta si saindong magña casálan ipinatauad na sa saindo huli sa gñaran niya.
13 Minasurat aco sa saindo, magña cagánác, huli ta nagpacamidbid camo caito na iyo siya magpoón can capinonan. Minasurat aco sa saindo, magña barobatá, huli ta dinaog nindo si maligno. Minasurat aco sa saindo, magña sadagñoton na magña áquí, huli ta nagpacamidbid camo sa Amá.
14 Sinuratan co camo, magña cagánac, huli ta nagpacamidbid camo caito na iyo siya magpoón can capinonan. Sinuratan co camo, magña barobatá, huli ta anan camong magña maririgon, asin an tataramon nin Dios nagoontoc dian sa saindo, asin dinaog nindo si Maligno.
15 Day camo mamoot sa quinában, minsan sa magña bagay na didian sa quinában. Con an saró namomoot sa quinában, an pagcamoot nin Amá mayo dian sa saiya.
16 Háros ta an gabos na yaon sa quinában, an horot nin laman, an horot nin magña matá, asin an capaabaoabauan nin pagcabuhay, bacong sa Amá iyan, condi sa quinában.
17 Asin an quinában maágui sana asin an saiyang magña pagmauot; alagad an minaotob can cabótan nin Dios magdadanay sagcod lamang.
18 Magña sadagñoton na aquí, yo na ini an huring panahon asin huli ta camo nagpacadagñog na an Anticristo*
* Anticristo-Tumang qui Cristo.
