satuyá man sana, asin an dugó ni Jesucristo na áquí niya, lilinigan quita can gabos na casalan.
8 Con magsasabi quita na day mayó quitang casálan, nagdadayá quita sa satuyá man sana, asin mayó nin catotoohan quita.
9 Con magboyboy quita can satuyang magña casalan, siya maimbod asín matanos na patatauaron quita can satuyang magña casalan, asin na lilinigan quita can gabos na carátan.
10 Con magsasabi quita na day quita nagcasalá, guiniguibo niato iyan sa saiya na caputican, asin si tataramon niya day mayó nasa satuyá.
1 Magña sadagñoton cong magña áquí, ining magña bagay na ini isinusurat co sa saindo, tagñaning day camo magcasalá; asin con igua nin saró na nagcasalá, igua quitang abogado ó paraampon manogñod sa Amá, si Jesucristong banal ó matanos;
2 Asin siya iyo an capatauaran ó caguinhauaan huli can satuyang magña casálan: asin bacó sanang huli can magña satuyá, condi man huli can magña sa bilog na quinában.
3 Asin digdi caini naaaraman niato na quita namidbidan niato siya, con otobon niato an saiyang magña togon.
4 Asin magsasabi, na: Aco namidbid co siya, asin day nagootob can saiyang magña togon, an siring caiyan puticon siya, asin day siya nin catotoohan.
5 Alagad an nagotob can saiyang tataramon, an pagcaherac nin Dios macuri cahaman totoo man nangayod dian sa saiya: huli caiyan nacacaaram quita na yaon quita sa saiya.
6 An nagsasabi na yaon sa saiya, maninigong maglacao siring can paglacao niya.
7 Magña tugang, day co camo sinusuratan nin bagong pagboot, condi si daan na pagboot na quinamtan nindo magpoon can capinónan: an pagboot na daan iyo si tataramon na nadagñog nindo magpoon can capinonan.
8 Sa liuat sinusuratan co camo nin sarong pagboot na bago, na totoo iyan dian sa saiya asin sa saindo; huli ta si magña
