5 Bacong sa pagcamoot sa caoragan ó horot nin hauac na maraot, siring can magña Gentiles na day nagpapacamidbid sa Dios:
6 Na day nin saró man na magpasaquit ni magdayá sa anoman sa saiyang tugang: háros ta an Cagurangnan para ignil can gabos na ini, siring sa isinabi na niamo sa saindo asin ipinatúan.
7 Háros ta day quita inapod nin Dios sa carupitan, condi sa cabanalan.
8 Cayá na, itong magbasangbasang, day nagbasang basang sa tauo, condi sa Dios, na siya man nagtao sa samuyá can saiyang Espíritu Santo.
9 Alagad mapadapit can sa tugang na pagcaherac day na camo nagcacaipo na magsurat pa aco sa saindo: huli ta camo man sana nagpacanood sa Dios na magcamoróot-mootan caino sa saindo man sana;
10 Asin siring man an guiniguibo nindo sa magňa tugang gabos na nasa Macedonia. Alagad minsan siring naquiquimaherac cami sa saindo, magña tugang, na padacolon nindo nin labi pa;
11 Asin na naghigñoa camo na magcaigua nin catiuasayan, asin guibohon nindo an saindong magña catuyuhan, asin guibohon nindo sa saindong magña camot sa palacao ó paáguí na ipinagbóot niamo sa saindo;
12 Tagñaning maglacao camo sa cabinian mapadapit sa magña ibang tauo ó day labot, asin day camo magcaipo nin anopaman,
13 Habó man cami, magña tugang, na magpainda cami dapit can magña nagñagñaratorog, na day camo magñagmorondó siring can magña iba na day mayó nin paglaom.
14 Háros ta con nagtutubod quita na si Jesús nagadan asin nabuhay liuat, siring man dadarahon nin Dios sa caibahan niya si magna nagñagcaratorog dian qui Jesús.
15 Nin huli caiyan, isinasabi niamo iyan sa saindo sa tataramon nin Cagurangnan na cami na nabubuhay, na naualat cami sagcod sa pagdatong nin Cagurangnan, bacó caming magña magñegñenotan sa magña nagñagpagñatorog.
