7 Dapit caiyan, magña tugang, nagcamit cami nin caragñahan sa saindo sa gabos niamong caipuhan asin caháditan dahelan can saindong pagtubod:
8 Háros ta gñunian nabubuhay cami, con camo anan na magña magdadanay dian sa Cagurangnan.
9 Nin huli caiyan, ¿anong guibong pasalamat an icacatao niamo sa Dios huli sa saindo, dahel can bilog na caogmahan na naguinibo niamo huli sa saindo sa atubang nin satuyang Dios,
10 Na namiíbí sa bangui asin sa aldao sa daculang paghagad, na maquita niamo an saindong lalaugon, asin na maotob niamo si nagcuculang sa saindong pagtubod?
11 Alagad an Dios man sana asin Amá niato, asin an Cagurangnan tang Jesucristo, pamugtacon nia an samuyang paglacao pasiring dian sa saindo.
12 Asin sa saindo padacolon nin Cagurangnan asin papagdugagñon an pagcamoot dian sa saindo, asin manogñod sa gabos, siring man sa samuyá manogñod sa saindo;
13 Tagñaning pacarigonon an saindong magña pusó sa cabanalan, day nin magña canauayan sa atubang nin Dios asin satuyang Amá, manogñod sa pagdatong nin Cagurangnan niatong Jesucristo sa caibahan nin gabos niang magña santos.
1 Nagcuculang nangayod, magña tugang, na maquimaherac camí sa saindo asin maghatol cami sa gñaran nin Cagurangnan na Jesús, na sa bagay na nagcatorocdoan camo niamo dapit can magcacanigó sa saindo sa paglalacao, asin pagpasonó sa Dios, siring caiyan magñagtalobó camo.
2 Háros ta nacacaaram na camo con ano an magña catogonan na itinao niamo sa saindo huli qui Jesús na Cagurangnan.
3 Huli ta an boot nin Dios iyo an saindong camahalan ó caomauan na lomicay camo sa pagsasambay;
4 Na an lambang saró sa saindo macanóod na maggamit ó magñataman can saiyang bobog é baso sa cabanalan asin sa cagalagñan;
