1 Háros ta boot co na macaaram camo con guráno cadaculaon can paghigñoa co huli sa saindo, asin huli can magña nasa Laodicea, patin huli can gabos na day sagcod nagpacahiling can sacuyang lalaugon sa laman;
2 Tagñaning magpanrígon an saindang magña pusó, sararó sa pagcamoot, asin sa gabos na magña cayamanan nin sangcap na pacasabot sa pacamidbid can misterio nin Dios, asin nin Amá, patin ni Cristo;
3 Na dian caiyan yaon natatagó an gabos na tesoros ó magna rimpos na cayamanan sa pagcadonong asin pacamidbid.
4 Asin ini sinasabi co, tagñaning day nin siysay man na magdayá sa saindo sa magña tataramon na macacasadol ó macacapadaloy.
5 Huli ta minsan aco daday dapit dían sa hauac, minsan siring dian sa espíritu yaon aco sa caibahan nindo, na nagoogma asin naghihiling can saindong pagcaborogcos asin an cadanayan nin saindong pagtubod dian qui Cristo.
6 Nin huli caiyan, sa bagay man sana na pagcaacóa nindo qui Jesucristo Caguraugnan, maglacao camo dian sa saiya:
7 Magna nagpacagamot asin magña sicad dían sa ibabao niya, asin magña pinarigon sa pagtubod, siring sa pagpacanood nindo, na magdugang dian sa saiya (ó sa pagtubod) na magguibo nin pagpasalamat.
8 Maghigñat camo na siysay man day macadayá sa saindo sa magia paquipagcatanosan asin magña hamac na pagsiasat, siring sa magña pacanood nin magña tauo, sonó sa magña palaenlaen na magña bagay nin quinában, asin bacong sonó sa qui Cristo:
9 Háros ta dian sa saiya nagoontoc an gabos ó bilog na cadaculaan nin pagcadios dapit sa hauac:
10 Asin dian sa saiya nagñagpacaotob camo ó nagcasarangcap camo, na siya iyo an payo nin bilog na cahadéan asin capangyarihan:
11 Na dian sa saiya man anan camong magña tinuri sa pagturi na bacong guibo nin magña camot, na sa pagpará sa
