20 Asin huli sa saiya ipaquioli an gabos na magña bagay sa saiya, na patoninogñon huli can dugó nin saiyang crúz, itong nasa sa dagá siring man itong nasa sa calagñitan.
21 Sa saindo man, na siring ca,o can sarong panahon sa magña ibang tauo ó day labot asin magña caiual sa pagisip sa magña maraot na magña gauégaué, gñunian minsan siring naquipagoli sa saindo.
22 Dian sa hauac nin si saiyang laman huli can pagcagadan, sa pagpacabanal sa saindo (ó pagpani-santo sa saindo), asin mayó nin digtá asin magña mayong casaguéan sa atubagñan niya:
23 Con baga man magñagdanay camo na magña nagsasarig asin magña danay dian sa pagtubod, asin day camo magheró ó magliuat sa paglaom can evangelio na nadagñog nindo; na iyan ipinaghulit sa gabos na linalang na nasa sa ibaba nin lagñit; na caiyan aco si Pablo naguinibo acong may catongdan.
24 Na gñunian nagoogma aco sa pinagtitios co huli sa saindo, asin inootob co sa sacuyang laman itong nagcuculang sa magña camondoan ni Cristo huli can saiyang hauac, na iyo an Iglesia;
25 Na caiyan naguinibo acong may catongdan, siring sa paguaras nin Dios na itinao sa sacuyá manogñod sa saindo, tagnaning maotob an tataramon nin Dios;
26 Na iyo, an gñagñalasan na natatagó magpoon can magña panahon asin magña pagcabuhay, alagad gñunian ipinahayag sa saiyang magňa santos:
27 Na sa sainda binoot nin Dios na maguibong magña hayag ó midbid an magña cayamanan nin camurauayan can misteriong ini dian sa magña Gentiles; na iyo si Cristo sa saindo an linalaom na camurauayan:
28 Na siya ipinagbabalagñibog niamo, sa paghatol sa gabos na tauo, asin na nagtotocdú cami sa gabos na cadonogñan, tagñaning icapahayag niamo an gabos na tauo na anan nasangcap dian qui Cristo Jesús.
29 Na dian caiyan nagpapagal pa aco, na tinutumang co siring sa cabagsican niya, na iyan nacacapaheró sa sacuyá nin mapangyari ó nin macuri.
