9 Na binucas sa samuyá an misterio nin si cabótan niya, siring sa pinagmarhay niya, na ipinagpahayag ó pinaghonáhoná niya sa saiya man sana.
10 Sa pagcatiripon can gabos na magña bagay dian qui Cristo, sa paguaras nin si pagcaotob can magña panahon, siring man an magña na sa calagñitan, asin an magña na sa dagá:
11 Dian sa saiya sinasabi co, na sa saiya man sana nagcamit cami nin palad, pacapagtalagahan siring sa pagmauot nin si naglalang can gabos na magña bagay siring sa hatol nin si saiyang cabótan,
12 Tagñaning magui caming caomauan nin saiyang camurauayan, cami na caidto naghahalat dian qui Cristo.
13 Na dian sa saiya nagñaghalat man camo nin si pacadagñog can tataramon nin catotoohan, si evangelio nin saindong carahayan na dian caiyan man poon na pagtubod nindo, nagcatarandáan camo can Espíritu Santo nin panugá,
14 Na iyo an magña tipan nin satuyang pamana, sa pacagauad can paggamit na nacamtana manogñod na caomauan nin saiyang camurauayan.
15 Nin huli man caiyan aco, pacadagñog co can saindong pagtubod dian qui Jesús na Cagurangnan, asin can pagcamot sa gabos na magña santos,
16 Day aco nagoontoc nin pagpapasalamat huli sa saindo, sa pagguiromdom sa saindo dian sa sacuyang magña pagpamíbí;
17 Na an Dios nin Cagurangnan tang Jesucristo, an Amá nin camurauayan, tauan camo nin espíritu nin cadonogñan asin nin pacapamaretá tagñaning mamidbiran siya;
18 Na paliuanagan an magña matá nin saindong pagisip, tagñaning macanood camo con arin an paglaom can pagcaapoda niya sa saindo, asin con arin an magña cayamanan can camurauayan nin saiyang pamana dian sa magña santos,
19 Asin con arin itong labi cahalagang cadaculáan nin si saiyang capangyarihan manogñod sa satuya na magña nagtutubod, huli can guibo can bagsic nin si saiyang carigonan,
20 Na iyan nangyari qui Cristo, na nabuhay siya liuat sa
