AN SURAT
NIN
APÓSTOL SAN PABLO
SA MAGNA
EFESIOS.
CAPITULO I.
1 Si Pablo, apóstol ni Jesucristo huli sa cabótan nin Dios, sa magña banal ó santos asin iguang pagtubod dian qui Cristo Jesús na nasa Efeso:
2 An biyaya macamtan nindo asin an catoninogñan niu Dios na Amá niato, asin nin Cagurangnan na si Jesucristo.
3 Pagomauon an Dios asin Amá nin Cagurangnan tang Jesucristo, na siya benendicionan quita sa gabos na bendicion na sa espíritu sa magña camugtacan na magña lagñitnon dian qui Cristo:
4 Siring sa pagcapilía niya sa samuyá dian sa saiya caidto can paglalagña can quinában, ta gñaning maguing banal cami asin mayó nin digtá sa atubagñan niya dian sa pagcamoot;
5 Pacatalagahan sa samnuyá na papaniaquíon huli qui Jesucristo sa saiya man sana, siring sa dalisay na pagcamoot nin saiyang cabótan,
6 Manogñod sa caomanan nin camurauayan nin saiyang biyayá, na dahel caiyan inacó cami dian sa namomótan:
7 Na dian sa saiya igua quitang pagtubos huli nin si saiyang dugó, an capatanadan can magña casálan huli can magña cayamanan nin saiyang biyayá,
8 Na dominacol nin macuri sa samuyá sa gabos na cadonogñan asin pacatalastas;
