huli sa panugá: alagad an Dios guinibo an dolot huli sa panugá qui Abraham.
19 Cayá, ¿ano an manonongdan can ley? Ibinugtac iyan huli can magña casumbicalan, sagcod na domatong an guinicanan na sa saiya naguinibo an panugá, ipinagboot idto nin si magña ángeles dian sa camot nin sarong parasorog.
20 Asin an parasorog bacong sa saró, alagad an Dios saró sana.
21 Con siring an ley tamang iyan can magña panugá nin Dios? Day nangayod: háros ta con an ley na itinao macacatao nin buhay, an catanosan totoo man nangayod huli sa ley.
22 Alagad nasacop can Casuratan an gabos dian sa casalan, tagñaning an panugá itao sa magña nagtutubod qui Jesucristo.
23 Alagad bago na domatong an pagtubod, namunugtac quita sa sacop can ley, nálalaom manonogñod caitong pagtubod na ipagbubulalas ó mabubucasan.
24 Sa bagay na siring an naguing satuyang para-aling iyo an ley sa pagdara sa satuyá duman qui Cristo, tagñaning mapatotoohan quita huli can pagtubod.
25 Alagad can pagdatongna can pagtubod, dayna quita na sa sacop nin para-aling ó paraataman;
26 Háros ta camo gabos anan na magña áquí nin Dios dahel can pagtubod dian qui Cristo Jesús.
27 Háros ta camo gabos na nagcabarautizaran dian qui Cristo, nagugubigñan camo ni Cristo.
28 Day mayong Judío minsan Griego: day nin oripon minsan bacong oripon ó hiuas; day nin lalaqui, minsan pa babae buli ta camio gabos anan camong saró sana dian qui Cristo Jesús.
29 Asin con camo anan na sadiri ni Cristo, totoo nangayod na iyo camo an capagaraquían ó guican qui Abraham, asin siring sa panugá anan na magña para-panonod camo.
1 Sinasabi co man:, Con an manónonod sadit pa siyang
