18 Huli ta con si magña bagay na linaglag co na, yan man sana balicon co na soliton, maguigui acong paralapas.
19 Háros ta aco huli can ley, gadan aco sa ley, sa pagca-buhay sa Dios.
20 Sa cadamay ni Cristo yaon aco na caibang pinadupa sa crúz, asin nabubuhay si Cristo sa sacuyá, asin an pagcabuhay co gñunian sa laman, na-bubuhay aco sa pag-tubod sa áqui nin Dios, na sia na-moot sa sacó, asin ininatang sia sa saiya man sana huli sa sacuyá.
21 Day co isinisicual an biyayá nin Dios: huli ta con dahel can ley mapaniring an catanosan, con siring daing capacánan an pagcagadan ni Cristo.
1 ¡Oh magña Gálatas na day nin pacamaté! ¿Siysay an nagparomarom can saindong magña isip na day na camo somonod sa catotoohan, na sa atubang rin saindong magña matá si Jesucristo ipinagsaysay na siring sa pinadupa sa Crúz dian sa saindo?
2 Ini sana an boot cong maaratnan sa saindo: ¿Ominacó camo can Espíritu huli sa magña gaué nin ley, ó huli can paghinaniog dapit can pagtubod?
3 Canigoan ca magña lolong ó cablas nindo? ¿paca pagpóon nindo huli can Espíritu, gñunian magtatapus camo huli can laman?
4 Dacol na magña bagay an tiníos nindo na basang sana? con baga man basang sana.
5 Tara, itong naguauaras sa saindo can Espíritu asin nagguiguibo nin magña gñagñalasan dian sa saindo ¿guiniguibo dao niya iyan huli can magña guibo nin ley, ó huli sa paghinaniog can dapit sa pagtubod?
6 Siring can pagtubod ni Abraham sa Dios, asin ibinilang sa saiya sa catanosan.
7 Cayá nacacaaram na camo na itong magña nasa pagtubod, an magña siring anan na iyo an magña áquí ni Abraham.
