9 Maimbod ó maotob an Dios, ta huli sa saiya anan na magña inaloc camo sa papaquinabagnon nin saiyang Aquí na si Jesucristo Cagurangnan ta:
10 Cayá, naquiquimaherac aco sa saindo, magña tugang, huli sa gñaran nin Cagurangnan tang Jesucristo, na magtararam camo gabos nin saró sanang bagay, asin na day mangyari dian sa saindo an pagcasuruhay nin magña boot ó cariribocan, condi na magcaborogcos camo nin bolaos sa saró sanang pagisip asin sa saró sanang paghonáhoná.
11 Háros ta nabaretá sa sacuya dapit sa saindo, magña tugang co, can magña yaon dian qui Cloé, na igua nin magña cariribocan dian sa saindo;
12 Boot cong sabihon, na an lambang saró sa saindo pagsasabi: Aco totoo yaon qui Pablo; tara aco cay Apolos; asin aco cay Cefas; patin aco cay Cristo.
13 Nagcacabaráac si Cristo? Pinadupa sa Crúz si Pablo nindo? ¿ó nagacó nin bautismo camo sa paggñaran ni Pablo?
14 Nagpapasalamat aco sa Dios na day sa quiysay paman sa saindo aco nagbautizar, condi sa qui Crispo asin qui Gayo;
15 Tagñaning day nin siysay paman na macapag taram na nabautizar nagacó nin bantismo camo sa gñaran co.
16 Asin binautizar coman an capagaraquían ní Estéfanas: alagad day aco nacacaaram con nacabautizar aco sa iba.
17 Háros ta day aco isinobol ni Cristo sa pagbautizar, condi sa paghulit can Evangelio: bacong sa cadonogñan nin magña tataramon, gñaning day mapamasang ó mapahamac an Crúz ni Cristo.
18 Háros ta an tataramon dapit can Cruz sarong carugñauan sa magña malalagalag; alagad sa magña macacaligtas, na con sa casayuran, sa satuyá, cabagsican nin Dios iyan.
19 Háros ta nasusurat: lalaglagon co an cadonogñan nin magña madonong, asin isisicual co an pacasabot nin magña nacacasabot.
20 ¿Ano madadatgñan can madonong? ¿ano can escriba? ¿ano can nagmamasid ó nagsisiasat can panahon na ini? ¿day pinarugñao nin Dios an cadonogñan can quinában na ini?
