21 Marhay na day magcacan nin carne, day man nag-inom nin arac, day man can anoman na madadasmagan nin saymong tugang, ó macapaangot, ó macapaluya sa saiya.
22 ¿Igua cang pagtubod? Rimposa sa saymo sa atubang nin Dios. Paladan itong day nagcacasalá sa saiya man sana caitong tinatanáan niya.
23 Alagad an naglalaen-laen, con comacan, sisilotan, háros ta day cominacan huli sa pagtubod; asin gabos na bacong sa pagtubod, casálan iyan.
1 Con cayá na, quita si magña nagdadanay maninigó na tioson niato an magña caluyahan ó caculagñan nin magña maluluya, asin bacong magpacanigó quita sa satuyá man sana.
2 An lambang saró sa satuyá pasonoan an saiyang magcasi tauo sa carahayan, sa pagpapacarahay.
3 Háros ta si Cristo day nagpasonó sa saiya man sana; condi na, siring sa nasusurat: An magña pagologolog nin si magña nagñag oolog-olog sasaymo, nagcahorolog ó nanogñod sa sacuyá.
4 Háros ta an magña bagay na caito ipinagsurat, sa pacanood niato anan isinurat iyan; tagñaning huli can pacatios, asin huli can caragñahan nin magña casuratan, macapaglaom quita.
5 Tara an Dios nin pacatios asin nin caragñahan tauan camo na dian sa saindo magcaborogcos ó magcasararó camo, siring sa boot ni Cristo Jesús;
6 Tagñaning sararó sana, sa sarong gñosú pamurauayon nindo an Dios asin Amá nin Cagurangnan tang Jesucristo.
7 Nin huli caiyan, magpatiriostios camo sa saindo man sana, siring man si Cristo tinios quita ó siring man can pagtiosa sa satuya ni Cristo, sa camurauayan nin Dios.
8 Cayá an olay co nangayod: na si Cristo Jesús naguing may catongdan sa pagturi huli can catotoohan nin Dios, sa pagpacarigon ó pagpatotoo can magña pauugá na guinibo sa magña caganac.
