nagagadan quita. Cayá gñani na, ó na mabuhay quita, ó na magadan quita, rogaring quita nin Cagurangnan.
9 Háros ta si Cristo dapit caini nagadan, asin nabuhay liuat, asin nagbalic na mabuhay, ta gñaning mani Cagurangnan nin magña gadana siring man nin magña nabubuhay pa.
10 Alagad ica ¿tá dao hinohocman mo an saymong tugang? O ica man, ¿ta dao ta sinosopog mo an saymong tugang? huli ta quita gabos mapaduman sa atubang can tribunal ni Cristo.
11 Háros ta nasusurat: Nabubuhay aco, olay nin Cagurangnan, na sa sacó malohod an gabos na tohod, asin an gabos na pagtataram ó dilá magboboyboy sa Dios.
12 Con siring, an lambang saró sa satuyá magtatao sa Dios nin catonosan sa saiya man sana.
13 Cayá na, day na quita maghocom an magña iba sa magña cápua man sana: condi na marhay pang honáhonaon na day bugtacan nin madadasmagan ó escándalo an tugang.
14 Aco nacacaaram, asin minasarig aco sa Cagurangnan na Jesús na sa saiya day mayó nin marupit: condi ito na nag-i-isip nin sarong bagay na marupit, manogñod sa saiya marupit iyan.
15 Alagad con dahel sa cacanon an saymong tugang nagmomondo, day ca na naglalacad nin agñay sa pagcaherac. Day mo paglaglagon can saymong cacanon ito na huli sa saiya si Cristo nagadan.
16 Cayá day sucat mapaglanhadan an saindong carahayan:
17 Ta an cahadéan nin Dios bacong cacanon bacó man na inomon, condi catanosan asin catoninogñan patin caogmahan nin huli can Espíritu Santo.
18 Háros ta itong sa bagay na ini naglilingcod qui Cristo, nacacaogma sa Dios, asin na inaaco nin magña tauo.
19 Cayá na, padagoson niato itong nacacapatoninong, asin nacacapacarahay sa satuya man sana.
20 Day mo laglagon an guibo nin Dios huli sana can cacanon. Ta an gabos na magña bagay sa catotoohan anan na magña malinig: orog caraot nagayo sa tauo na nagcacaon sa pagpaárac.
