13 Háros ta sa saindo nagtataram aco, magña Gentiles. Nin huli nangayod ta aco iyo an apóstol nin magña Gentiles, an sacuyang catongdan guinagalagñan co.
14 Con baga sa tibaad nang bagay pagsadolon sa paghigñat an sacuyang laman, asin na iligtas an nagcápira sa sainda.
15 Háros ta con an pagsobolan sa sainda iyo an paquíolí sa quinában, ¿ano dao an pagacó sa sainda, condi an pagcabuhay nin magña gadana?
16 Asin con an enot na bugña mahal ó santo, siring man an gabos, asin con an gamot santa, siring man sana an magña sagña.
17 Na con an nagcapira nin si magña sagña nagcabararí, asin íca na cahoy na acebuche, nabuhay ca sa casalihid ninda, asin naguí cang may paquinabang sa gamot asin sa cadaculáan ó cahibogan nin oliva;
18 Day ca managsag tumang sa magña sagña; asin con mananagsag ca, naaaraman na day ca nagtatao nin buhay sa gamot, condi an gamot sa saymo.
19 Cayá si magña sagña, magsasabi ca, nagcabarari tagñaning aco macacapot ó sabod.
20 Marhay: huli can saindang day pagtubod nagñagcabarari, alagad ica huli can pagtubod nagtitindog. Day ca magpaabao-abao, condi na matacot ca.
21 Na con an Dios day pinatauad si magña dating sagña, day ca man papatauadon.
22 Cayá, hiligña, an pagcarahay asin an cacurihan nin Dios an cacurihan sa catotoohan sa magña nagcahorolog; alagad an cara hayan ó pagcaherac sa saymo, con magdadanay ca dian sa carahayan; háros ta con day baga ica mapopotol man.
23 Asin minsan sinda, con day magdanay sa day pagtubod, anan na magpapacacabit; háros ta mapangyari an Dios sa pagpabalic sa sainda na magpacacabit.
24 Háros ta con pinotol ca sa dating acebuche ó cahoy, asin tumang ó salá sa caugalean iquinabit ca sa marhay na oliva, guráno dao ca labí ining magña ini na sinda iyo si magña dating sagña, na anan ipagpapaopot ó sabit sa saindang oliva?
