Day saanoman na bagay. Huli ta acoman Israelita, sa capagaraquían ni Abraham, sa tríbu ni Benjamín.
2 Day isinicual nin Díos an banuáan niya, na siya minidbid gñóna caidto. ¿0 day camo nacacaaram con ano an nasasabi dapit cay Elias can Casuratan? siring sa naquiquigolay sa Dios tumang sa Israel nagsasabi:
3 Cagurangnan, si magña profeta ó pararoquíao mo guinaradan, asin si magña altares mo guínarabá; asin aco an naualat sana, asin naghihirigñoang garadanon aco.
4 Alagad, ¿ano an sabi sa saiya can simbag nin Dios? Tinadá co na mapasacuya an pitong ribo catauo, na day nagñag-lohod sa atubang ni Baal.
5 Siring man, minsan sa panahon na ini nag tadá aco nin magña mauaualat huli can pagpili na sa pagcabiyaya.
6 Asin con huli sa biyaya, con siring bacong huli sa magña guibo; ta con sa ibang bagay an biyayá bacó nang biyaya. Asin con huli sa magña guibo, bacó nang biyayá; ta sa ibang bagay an guibo bacó nang guibo.
7 ¿Cayá ano dao baga? Itong hinahanap can Israel ito day niya inabot; alagad si pagpili inabot niya; asin si magña iba nagñagtagas sinda.
8 Siring sa nasusurat: Tinauan sinda nin Dios nin espiritu sa pacapagsólsól, magña mata na day magpacahiling, asin magña taligña na day macacadagñog sagcod gñunian na aldao.
9 Asin si David an olay: macabalic logod sa sainda si saindang lamesa na bilang gapus, asin hicot, asin dalinasan, asin cabayaran.
10 Si saindang magña mata magpandiclom gñaning day magpacabiling, asin macologan sinda guiraray nin si tonoc ó catotonocan.
11 Cayá olay co: ¿Nagcadaralinas tagñaning magcahorolog? Day sa anoman na bagay; condi hulí can pagcadalínas ninda dominatong si cabuhayan sa magña Gentiles, tagñaning magcasaradol sa paghigñat.
12 Asin con an caculagñan ninda iyo an cayamanan nin quinában, asin an cahamacan ninda iyo an cayamanan nin magña Gentiles, ¿guráno paman dao an caiguahon ninda?
