17 Malá ta day na baga aco nagguiguibo caito, condí an casálan na nagdadanay sa sacó.
18 Asin natatalastas co na sa sacuyá, (na con sa casayudan, sa sacuyang laman ó hauac) day nagdadanay ó nagoontoc an carahayan háros to igua aco nin pagcamoot, condi sa pagguibo nin carahayan day co iyan ináabot.
19 Huli ta day co guiniguibo an carahayan na binoboot co; condi si maraot na hinahabóan co, ini an guiniguibo co.
20 Asin con guiniguibo co si itong hinahabóan co, bacú nang aco an minaguibo caiyan, condi an casálan na nagoontoc sa sacuyá.
21 Cayá na, can boot acong gomibo nin marhay, nácua co an togon na ini: Na an maraot uya sa sacuyá.
22 Háros ta sa sacuyang paghonáhoná sa irarom nin sacuyang boot, nagoogma aco dian sa catogonan nin Dios:
23 Alagad nacacahiling aco nin ibang catogonan sa sacuyang magña cabtang, na minatumang sa pagboot nin sacuyang espíritu, asin na dinadara acong bihag sa catogonan ó ley nin casálan na uya sa sacuyang magña cabtang nin hauac.
24 ¡Macacaherac na tauo aco! Siysay an macacaagao sa sacuyá sa hauac sa cagadanan na ini?
25 Nagpapasalamat aco sa Dios, huli qui Jesucristo Cagurangnan niato. Cayá gñani na, aco man sana sa pagisipisip naglilingcod aco sa togon nin Dios, alagad sa laman ó hauac naglilingcod aco sa catogonan dapit sa casálan.
1 Cayá gñunian nangayod day mayó nin silot sa magña yaon dian qui Cristo Jesús, itong day nabubuhay nin siring sa laman ó hauac, condi siring sa espíritu.
2 Huli ta an ley ó catogonan nin Espíritu nin pagcabuhay dian qui Cristo Jesús ilinigtas aco sa ley ó catogonan dapit sa casálan asin sa cagadanan.
3 Háros ta itong day mahihimo sa catogonan, ó mapapauot sa ley, huli ta maluya siya huli can laman, an Dios pagcasobolan can saiyang áqui sa cabaing can laman ó hauac nin
