sa satuyang magña cabtang nin hauac na namumugña sa cagadanan.
6 Alagad gñunian nacaligtas na quita sa catogonan, ta nagadana dian sa togon na dian caiyan naoolang quita, tagñaning macapaglincod quita sa bagong espíritu, asin bacong sa cadaanan nin surat ó letra.
7 Cayá ano an sasabihon niato? ¿An catogonan iyo an casálan? Day nangayod. Alagad aco day nacamidbid can casálan con bacong huli can togon: háros ta day coman mamimidbid an marompot na paghorot nin hauac ó pagsambay, con day nagsasabi an togon: Day ca maará.
8 Alagad an casálan, nin si macácua nin dahelan, nangyari sa sacuyá huli can catogonan an pagcaará ó paghorot na marompot gabos: huli ta con day an togon an casálan gadan cutána.
9 Cayá gñani na, aco nabubuhay day nin catogonan can sarong panahon; alagad pagdatong can catogonan, si casálan nabuhay liuat, asin aco nagadan.
10 Asin naaraman co na an catogonan, ilinagdá sa cabuhayan, manognod sa sacuyá magagadan;
11 Huli ta an casalan, can pacacua nin dahelan, dinayaan aco huli can pagboot ó catogonan, asin huli caini guinadan aco.
12 Con siring an togon sa catotoohan mahal asin an pagboot mahal, matanos asin marhay.
13 Con siring caiyan itong marhay, sa sacuyá naguing cagadanan? Day; condi na an casálan, sa pacapahayag niang casálan, huli caitong marhay nangyari sa sacuyá an cagadanan, ta naguing casálan siya sa bagay na íní huli can catogonan.
14 Héros ta naaaraman niato na an togon mapadapit íyan sa calag; alagad aco na nasa laman ó hauac pa, ipinabacal sa caoripnan nin casálan.
15 Huli ta si guiniguibo co day co nasasabotan, minsan pa si binoboot co day co guiniguibo; condi na itong nau-ugñisan co, ito an guiniguibo co.
16 Asin con itong si inaabúan co, ini iyo an guiniguibo co, pinagmamarhay ó pinapagcanigó co na an togon marhay.
