orog pang gayo, na naquigóli na quita, macacaligtas quita huli can saiyang pagcabuhay liuat.
11 Asin bacong ini sana, condi pa nagñag-oogma quita sa Dios huli qui Jesucristo Cagurangnan niato, na huli sa saiya ínacó ó nacamtan niato gñunian an paquipagólí.
12 Na con siring, dominatong an paquigólí huli sa saró, siring man na an casálan lomínaog sa quinában huli sa sarong tauo, asin dahel can casálan dominatong si cagadanan, asin an cagadanan nacadatong nin siring, sa gabos na magña tauo, háros ta si gabos nagñagcasalá.
13 Háros ta sagcod can pagdatong can catogonan, an casálan dídíana sa quinában; alagad day ibinibilang na casalan can mayó pa nin catogonan ó ley.
14 Minsan siring, nangyari an cagadanan magpoon sana qui Adam sagcod qui Moisés, sagcod pa sa magña day nagñagcasalá nacadamay bilang sa casumbicalan ó calapasan ni Adam; na siya iyo an ladauan caitong madatong.
15 Alagad bacong siring sa casálan ó calapasan, an naguing balaog; háros ta con huli sa calapasan caidtong saró nagcagaradan si cabalaquidan, labi pang gayó diminacol si biyaya nin Dios sa magña cadaclan, asin si balaog hulí can biyayá nin saró catauo, na si Jesucristo.
16 Day man sa bagay na dahel baga sa sarong casálan, siring man sana an balaog: háros ta an paghocom sa catotoohan guiminican sa sarong casálan na masilotan, alagad an biyaya guiminican sa dacol na magña calapasan sa pagpatotoo.
17 Háros ta, con dahel sa sarong calapasan nangyari an cagadanan huli sa saró, orogpang gayo mangyayari sa pagcabuhay huli sa sarong Jesucristo itong magña magcacamit can dacol na magña biyaya, asin can balaog nin catanosan.
18 Na con caya na, con baga sa sarong calapasan nangyaring dominatong an casalan sa gabos na magña tauo na masilotan, siring man huli sa sarong catanosan dominatong an biyaya sa gabos na magña tauo sa pagpatotoo can pagcabuhay.
19 Háros ta con huli sa casumbicalan nin si saró catano si magňa cadaclan naguing magña paracasalá, siring man huli sa
