24 Condi man huli sa satuyá, ibibilang iyan, na con sa casayuran, sa satuya na nagtutubod dian sa saíya na nagbagñon sa magña gadana qui Jesús Cagurangnan ta.
25 Na siya naguing atang ó ídinolot hulí can satuyang magña casálan, asin binuhay liuat sa pagpatotoo sa satuyá.
1 Pacapapagcanigoa sa satuyá nangayod huli can pagtubod, igua quita nin catoninogñan manogñod sa Dios huli qui Jesucristo Cagurangnan niato:
2 Na huli man sa saiya macacalaog man quita huli sa pagtubod sa biyayang ini na dian quita nagdadanay, asin nagoogma quita sa paglaom can camurauayan nin Dios.
3 Asin bacong iní sana, condi inan nagoogma pa quita sa magña casaquitan, sa pacatalastas na an casaquitan namumugña nin pacatios;
4 Asín an pacatios, nagpapatotóo; asin an pagpatotoo, paglaom;
5 Asin an paglaom day nacacasopog; háros ta an pagcamoot nin Dios nacacauarac sa satuyang magña pusó huli can Espíritu Santo na iuinaras sa satuyá.
6 Huli ta si Cristo, can quita anan na magña maluluya pa, sa capanahonan niya nagadan dahel sa magña daing boot ó mararaot.
7 Totoong gayo na talagsad na an saró magadan dahel sa sarong banal: sa gabos ó sa baga man mangyayari na an saró pumusong magadan dahel nín si marahay.
8 Alagad an Dios pinahahalagahan an saiyang pagcaherac sa satuyá, huli ta can magña paracasala pa quita, si Cristo nagadan huli sa satuya.
9 Con siring orog pa gñunian, pacapapagcanigóa sa satuyá huli can saiyang dugó, huli sa saiya magpapacaligtas quita sa caangotan.
10 Háros ta con caidto na magña caiual pa quita, nacapaquigóli quita sa Dios huli can pagcagadan nin si saiyang aquí,
