magña soldado, asin ipinaagao sia sa tahao ninda, asin ipinadará sia sa laog nin cotâ.
11 Asin can sominonod na bangui, dominoloc sa saiya an Cagurangnan, asin sinabihan, sia; Manarig ca, Pablo; na siring sa pagcasacsi mo dapit sa sacô sa Jerusalem, siring quinacaipuhan man na sacsihan mo aco sa Roma.
12 Asin can aldao na, an magña judio nagtiripon, asin nagguibo sinda nin panugâ na sinumpáan na day sinda macacan asin day sinda mainom sagcod na day magadan ninda si Pablo.
13 Asin iguá nin apát na poló si magña nanumpaan nin siring:
14 asin sinda nagdurumán sa magña poón nin magña sacerdote asin sa magña camaguragñan, asin nagsarabi, Camí nagguiribo nin panuga na sinumpaan, na day cami magnanamit nin anoman sagcod na day magadan mi si Pablo.
15 Gñunian gñani, sabihan nindo an coronel, caiba nindo an concilio, na darahon si Pablo sa atubang nindo, na boót nindong maisihan nangad an catotoohan can sombong dapit sa saiya; asin camí magña andám-na sa paggadán saiya bago sia domatong.
16 Alagad sarong áqui na lalaqui nin tugang na babaye ni Pablo, can madagñog an magña masiuauang homa ninda, napadumán sia, asin lominaog sia sa cotâ, asin binaretâan Bi Pablo.
17 Asin si Pablo, inapod nia an sarô nin si magña capitán, na nagsabi, Darhon mo an-barobatang ini sa coronel; huli ta sia may sarong bagay na ipagsasabi saiya.
18 Quinabit sia, gñani, dinará sia sa coronel, asin nagsabi, Si Pablo na bilango, inapod nia acó, na naquimaherac sa sacó na darhon co an barobatang ini sa saimo, na sia may sarong bagay na ipagsasabi saimo.
19 Asin an coronel quinaptán sia sa camót, asin dinará sia
