10 Asin nagsabi acó, ¿Anóng guiguibohon co, Cagurangnan? Asin an Cagurangnan sinabihan acó: Tomindog ca, asin padumán ca sa Damasco; asin dumán sasabihon saimo an gabos na itinalâan na guibohon mo.
11 Asin huli ta day acó nacacahiling, dahelan sa camurauayan caidtong ilao, quinabít acó sa camót can magña cairiba co, napaduman acó sa Damasco.
12 Asin sarong inaapod na Ananias lalaquing mabeheracon igò sa casogoan, na iguá nin marahay na catotoohan dapit sa gabos na magña judio na nag-oontoc dumán,
13 napadigdi sa sacò, asin dominoloc sia, na sinabihan acó, Tugang na Saul, acôon mo an pacahilíng. Asin acó sa oras man sanang idtó, inacò co an pacahiling, asin itinorohoc co an magňa matá sa saiya.
14 Asin sinabihan nia acó, An Dios nin satong magña magurang itinalaga sa saimo, ta gñaning mamid bid mo an saiyang cabôtan, asin mahiling mo idtong Banal, asin madagñog mo an tigñog nin saiyang gñosó.
15 Huli ta manini sacsi ca nia sa gabos na magña tauo, dapit sa magña bagay na nahiling mo asin nadagñog mo.
16 Asin gñunian, gñani, ¿Tadao ta napapaontoc ca? tomindog ca, asin pabuniag ca, asin hugason mo an saimong magña casalan; asin apodon mo an saiyang gñaran.
17 Asin nangyari sa sacó, can magbalic acó sa Jerusalem, asin naminîbî acó sa templo, pinanglipadgñan acó nin isip.
18 Asin nahiling co Sia, na nagsasabi sa saco, Maghidale ca, asin tolos man saná lomuas ca sa Jerusalem; huli ta day ninda aacôon saimo an catotoohan dapit sa sacó.
19 Asin nagsabi acó, Cagurangnan, sinda man saná nacaca- talastas na acó an naglalaog sa bilangoan, asin hinahampác co sa balang sinagoga, an magña nagtuturubod sa saimo:
20 asin can bominolos an dugo ni Esteban na saimong sacsí, acó man dudumán sa atubang, asin itinogot co an saiyang cagadanan, asin tinago co an magña gubing can magña gomimadan saiya.
21 Asin sinabihan nia acó, Lomacao ca, huli ta sosogoon tacá sa harayo, duman sa magña Gentil.
