MAGNA APÓSTOLES 21.411
1 Magña tugang asin magña ama, dagñogon nindo an catanosan na gñunian itatao co saindo.
2 Asin can madagñong ninda na pinagtatarmán sinda sa tataramon na Hebreo, ominorog an himong: asin sia sominabi,
3 Acó sa catotoohan Judio, ipinang áqui sa Tarso nin Cilicia, alagad nag-adal acó sa ciudad na ini, sa magña pamitisan ni Gamaliel, tinocdóan acó nia igo sa tunay na casogoan nin satong magña magurang, maigot an boot co dapit sa Dios, na siring sa saindo gabos gñunian.
4 Asin linalamág co an Dalan na ini sagcod sa cagadanan, na guinagapus co asin ilinalaog co sa magña bilangoan an magña lalaqui asin siring man an magña babaye.
5 Siring man an cahorohalangcao sa magña sacerdote minasacsi sacô, asin an gabos na camaguragñan; na sa sainda cominuá man acú nin surat dapit sa magña tugang, asin nagbaclay acó pasiring sa Damasco, ta gñaning madará cong magña gapus sa Jerusalom an magña dudumán, ta gñaning padusahan sinda.
6 Tará nangyari na can naglalacao acó, asin naghaharani na aco sa Damasco, harani-na sa caodtoan nin aldao, napadaling nagliuanag sa palibot co halê sa lagñit an sarong ilao na daculâ :
7 Asin napucan acó sa dagâ, asin nadagñog co an sarong tignog na nagsasabi sacó, Saulo, Saulo, ¿tâdao ta pinaglalamag mo acó ?
8 Acó gñani sominimbag, Si-isay, ca, Cagurangnan? Asin sinabihan nia acó: Acó si Jesús na tagá Nazaret, na saimong pinaglalamag.
9 Asin an magña cairiba co nahiling sa catotoohan an ilao, asin nagcatiricbahan sinda; alagad day ninda nadagñog an tigñog can nagtatarám sa sacô.
