28 ta gñaning guibohon an catalagahan nin sainyong camót asin saimong cahatolan ta gñaning mangyari an guibo.
29 Asin gñunian, Cagurangnan, hiligñon mo an saindang magña patacot, asin ipagcatalaga mo sa saimong magña oripon na caiba an bilog na caisogan isabi an saimong tataramon;
30 na honaton mo an saimong camót ta gñaning magpaomay, asin mangyari an magña macosog na guibo, asin magña gñagñalasan sa gñaran nin saimong santong Aqui na si Jesús
31 Asin pacapamibi ninda, naherô an lugar na pinagcatiriponan ninda asin an gabos nagcaparanô nin Espíritu Santo, asin itinaram ninda na may panarig an tataramon nin Dios.
magna enot na Cristiano Si Ananias asin
Safira na agom nia.32 Asin an cadaclán nin si magña nagturubod nagca-casararô saná nin puso asin calag; asin day nin si-isay man na nacapagsabi dapit sa anoman na bagay na saiyang sadiri; cundi an gabos na bagay sadiri nin cagabsan.
33 Asin caiba an daculang capangyarihan pinagpatotoohan nin magña apóstol an pagcabuhay liuat nin Cagurangnan na si Jesús: asin balaquidon na biyaya na nasa sainda gabos:
34 Huli ta day nin si-isay sa sainda na nagcuculang; tará an gabos na may magña omá, asin magña harong ipinagpapabacal, asin dinadará ninda an magña cabaclán-an nin magña harong na nagcabaracal,
35 asin ibinobugtac ninda idtó sa magña bitis nin magña apóstol asin pinagborobaragña sa balang sarò siring sa quinacaipuhan nin si-isay man.
36 Si José gñani, na inaapod nin magña apóstol na Bernabé (na cun sasaysayon, boót sabihan, Aqui nin Caragñahan), sa capagaraquian ni Leví, na tagá Chipre,
37 na may sarong omá, ipinagpabacal ini: asin dinará an pirac sa magña pamitisan nin magña apóstol.
