17 Alagad ta gñaning an bagay na ini day macaboyagyag pa sa banua, patanidan ta na magpoón gñunian day na sinda magtaram sa qui-isay man na tauo sa gñaran na ini.
18 Asin inapod sinda, pinatanidan sinda na sa anoman na palacao day sinda magtaram asin day magtocdo sa gñaran ni Jesús.
19 Alagad si Pedro asin si Juan nagsimbag asin nagsabi sainda, Hocoman nindo cun catanosan sa atubang nin Dios na magcuyog gñóna sa saindo dagña sa Dios :
20 Huli ta day mangyayari na day mi ipagtaram an samong nahiling asin nadagñog.
21 Sinda gñani pinahale ninda na pinatanidan sinda, day sinda nacacua nin anoman na palacao ta gñaning sinda mapadusahan ninda, dahel sa banua; huli ta an gabos nagpapamurauay sa Dios, huli can bagay na guinibo.
22 huli ta labi na sa apat na polong taon an tauo na guinibohan caining gñagñalasan na ini na pinaomayan.
23 Asin can sinda macahalè na nagbaralic sa magña sadiri nindang cairiba, asin ibinaretâ ninda si gabos na sinabi sa sainda can magña poón nin magña sacerdote asin can magña camaguragñan.
24 Sinda gñani can madagñog idto, nagcasararong magcururahao can saindang tigñog sa Dios, asin magsarabi, Cagurangnan, ica an Dios na cag-guibo nin lagnit asin nin daga, asin nin dagat, asin can gabos na magña yaon sainda:
25 na sa gñosô nin saimong oripon na si David, nagsabi ca, ¿Tádao ta nagcaarangot an magña tauo, asin an magña banua nag-isip nin magña sayang na bagay?
26 Nagtirindog an magña hadê sa dagá, asin an magña poón nagtiripon
tumang sa Cagurangnan asin tumang sa saiyang Cristo: 27 huli ta sa catotoohan nagtiripon, sa ciudad na ini, tumang sa saimong santong Aquing si Jesús, na ini linahidan mo, si Herodes, asin si Poncio Pilato, cairiba an magña gentil asin magña banuáan nin Israel,
