14 Tará pagtindog ni Pedro, na caiba an cag-duá, initaas an tignog, asin isinaysay sa sainda, sa siring na bagay, Magña lalaquing tagá Judea, asin gabos na nag-oontoc sa Jerusalem, talastasón nindo iní, asin dagñogon nindo an sacong magña tataramon.
15 Huli ta ining magña ini bacong magña lagño, na siring sa pag-isip nindo, huli ta oras na tercia* pa saná nin aldao.
16 Tará iyo ini an isinabi nin profeta Joel:
17 Asin nanini sa magña hudían na aldao sabi nin Dios,
Na iuauarac co an sacong Espiritu sa ibabao nin gabos na lamán:
Asin an saindong magña áquing lalaqui asin magña áquing babaye magbuhurulá,
Macacaliling nin magña hihilgñon an saindong magña barobatâ,
Asin an saindong magña magurang pagñagñatorogan nin magña catorogan:
18 Asin totoong gayo na sa sacong magña oripon na lalaqui asin sa sacong magña oripon na babaye, sa magña aldao n& idtó, iuauarác co an sacong Espiritu, asin maghuhurulá sinda.
19 Asin magpapahiling acó nin magña gñagñalasan sa itaas sa lagñit.
Asin magña tanda sa ibabao nin dagá;
Dugo asin calayo asin alisgñao nin asó
20 Magdidiclóm an aldao.
Asin manini dugo an bulan,
Bago domatong an caaldauan nin Cagurangnan
Idtong caaldanan na daculâ asin hayag;
21 Asin mangyayari na an gabos na omapod can gñaran nin Cagurangnan, macacaligtás.
22 Magña lalaquing taga Israel, dagñogon nindo an magña tataramon na ini: Si Jesús na tagá Nazaret, lalaquing banal nin Dios dian saindo sa magña guibong gñagñalasan asin sa
* Álas nueve nin aga.
