10 May dua catauo na nagsacat sa Simbahan sa pagpapamîbî: si sarò na naglaog siya Fariséo, si sarò siya publicano.
11 Si Fariséo, tíndog siya, na nagñadiê nín siring caini: Oh Dios, pinasasalamatan taca, na bacó acong siring can ibang nagña tauo, na magña mahâbón, magña biricô, magña parasambay sa may magña agom, minsan pa gñani, bacô acong siring can publicanong ini;
12 Nagaayuno aco nin macadua sa lambang semana, nagtátao aco nin himoloan can gabos na rogaring co.
13 Alagad si publicano na nasa sa harayo, habo nangayod minsan gñani si pagtigñag nin si magña matá niya sa lagñit, condi na nagtutumboc sa saiyang daghan, na an olay: Dios, mahérac ca sa sacuyang paracasalâ.
14 Sinasabi co sa saindo na an tauong ini naghilig pasiring sa saiyang harong pinapagcanigó gñòna siya bago itong sarô; háros ta siysay man na nagpapalangcao, pinapahababâ ; asin an nagpapacumbabâ, pinapahalangcao.
15 Asin pinagdadará sa saiya si magna saradit na áqui ta gñaning pandoónan niya sinda; na iyan pagcahiling nin si magña discípulos, inaangotan sinda.
16 Alagad si Jesús can pagapoda sa sainda, sinabihan niya: pabayâe nindo an magña áquî na mag-doloc sa sacuyâ, asin day nindo pagolagñion; huli ta sa sainda an cahadêan nin Dios.
17 Sa catunayan sinasabi co sa saindo, na siysay man na day maca-acô can cahadéan nin Dios siring sa sarong áquî, day macacalaog dian.
18 Asin naghapot an sarong príncipe, na nagsabi: Marhay na Maestro, ¿Ano dao an guiguibohon co sa pacapagcamit can buhay na day nin catapusan?
19 Asin si Jesús sinabihan siya: ¿Ano ta inaapod mo acong marhay? Daing ibang marhay condi an Dios sana.
