- 183
9 Tará si Jesús sinabi sa sainda: Hahapoton co camo nin sarong bagay: Maninigô con magña sábado na mag-guibo nin marahay ó mag-guibo nin maraot? ¿agauon an buhay, ó haleón iyan?
10 Asin na naghihiling siya sa gabos sa parilibot, sabi sa tauo: Honata an saymong camot. Asin ito guinibo iyan, asin si saiyang camot naomayan.
11 Asin sinda nagcaparano nin caangotan; asin nagtata- raram sinda-sinda man sana con ano an guiguibohon cay Jesús.
12 Asin nangyari can magña aldao na ito, na napaduman sa bolod sa pagpamíbi, asin nagdamlag nagñagñadiè sa Dios.
An pagpili can cagduang discipulos.
13 Asin nin si ága-na inapod si saiyang magña discípulos, asin píminili nin cágdua sa sainda, na sinda inapod man ó gñinaranan na magña Apóstoles:
14 Si Simón, siya gñinaranan man na si Pedro, asin si Andrés na tugang niya, si Jacobo asin si Juan, si Felipe asin si Bartolomé,
15 Si Mateo asin si Tomás, si Jacobo na aqui ni Alfeo, patin si Simón na pinaggñagñaranan na Celador,
16 Si Judas na tugang ni Jacobo, asin si Judas escariote, na iyo man si naguing mapasaluib,
17 Asin lominogsot sa caibahan ninda, asin iminontoc sa sarong lugar na patag, asin si pagiriba nin si saiyang magña discípulos, asin si sarong dacol na magña banuáan nin bilog na Judea asin nin Jerusalem, asin sa guilid nin Tiro asin Sidón, na nagdaralao sa paghinaniog sa saiya, asin ta mapa- omayan man can saindang magña cahelagñan;
18 Asin si magña pinagpupurisao nin si magña marurupit na espíritus: asin anan na magña naomayan na.
19 Asin si gabos na magña catauohan nagñaghihigñoa na madoonan siya; háros ta naghahale sa saiya an cabagsican, nagpapaomay sa gabos.
