2 Ini pinapatotoohan nin marhay can magña tugang na nasa Listra asin nasa Iconio.
3 Ini an iquinamoót ni Pablo na ipag-iba nia; asin quinuá nia, asin tinuri sia dahel sa magña judio na dudumán sa magña lugar na idtó; huli ta an gabos nacaísi na an saiyang amá Griego.
4 Asin sa saindang paglacao sa magña ciudad, itinátao sa magña tugang ta gñaning otobon ninda an magña casogoan na ipinagboot nin magña apóstol asin nin magña camaguragñan na nasa Jerusalem.
5 Caya gñani, an magña Iglesia cominosog sa pagtubod, asin nadadagdagan an bilang sa aro-aldao.
6 Asin nag-agui sinda sa Frigia asin sa palibot nin cadagaan nin Galacia, day itinogot sainda nin Espíritu Santo na ipaghulit ninda an tataramon sa cadagaan nin Asia.
7 Asin can pagdirigdi sa Misia, nacaisip sindang padumán sa Bitinia; alagad an Espíritu ni Jesús day sinda tinogotan.
8 Asin pag-agui ninda sa Misia, naghirilig sa Troas.
9 Asin sa sarong pagñatorogan napahiling qui Pablo pagcabangui; Saróng lalaquing tagá Macedonia na nasa atubang, naquimaherac sa saiya, asin nagsasabi, Bomalió ca sa Macedonia, asin tabagñan mo camí.
10 Asin pacahiling nia can catorogan, tolos man sana naghigños caming padumán sa Macedonia, na samong iniisip na an Dios inapod camí ta gñaning ipaghulit mi an evangelio sa magña taga duman.
11 Nagsaracay gñani camí magpoón sa Troas, nagdagos camí pasiring sa Samotracia, asin can sominonod na aldao nagdatong cami sa Neapolis;
12 asin magpoón dihan nagdagos camí sa Filipos, na ciudad
- Pitonisa; babayeng pana-imalad.
