MAGNA APÓSTOLES 15 & 16.389
32 Si Judas asin si Silas, huli ta magña profeta man sinda, rinagña ninda asin pinacosog an magña tugang sa balaquidon na magña tataramon.
33 Asin nag-orontoc dihan nin nagcapirang panahon, dagñan pinapuli sinda nin magña tugang, sa magña apóstol sa catiuasayan.
34 Alagad pinagmarahay ni Silas na paualat gñôna dihan.
35 Tará si Pablo asin si Bernabé nagpaualat sa Antioquia, ipinaghuhulit ninda an tataramon nin Cagurangnan asin ipinagtotocdo an evangelio na balaquid man an magna caiba.
36 Asin pacaágui nin pirang aldao, si Pablo sinabihan si Bernabé, Maghalic quitá gñunian, asin songcoon ta an magña tugang sa gabos na magña ciudad na pinagbaretaan ta can tataramon nin Cagurangnan, asin hilgñon ta cun anó an camogtacan ninda.
37 Asin boót ni Bernabé na ipag-iba man ninda si Juan, na inaapod na Marcos.
38 Alagad si Pablo day nia minanarahay na ipagiba ninda idtong bominolag sa sainda magpoón sa Pamfilia, asin day ominiba sa sainda sa pagpagal.
39 Asin nagpasuhay sinda nin macuri, na sinda nagcabolag; asin ipinag-iba ni Bernabé si Marcos, asin siminacáy na pasiring sa Chipre:
40 Alagad, pinili ni Pablo si Silas, naglacaó na ipinaggñayogñayo nin magña tugang sa biyaya nin Cagurang.
41 Asin inaguihan an Siria asin an Cilicia, na pinagpapacosog an magña Iglesia ó cacristianohan.
1 Pacatapus napadumán man sa Derbe, asin sa Listra : asin uya digdi an saróng discipulo, na gñinagñaranan na Timoteo, áqui nin saróng judiang minatubod, alagad an saiyan amâ Griego.
