40 Hilgnon nindo, gñani, na day mangyari sa saindo an sinabi nin magña profeta:
41 Hilgñon niñdo, magña para-libác, asin mag-gñaralás camó, asin magcagaradan camó,
Huli ta nag-guiguibo acó nin sarong guibo sa saindong magna aldao,
guibo na sa anó man na palacao day nindo totobodon, cun si-isay an magsabi sa saindo.
42 Asin paghalê ninda sa sinagoga, naquimaherac sinda saiya na sa aldao nin paghigñalo na masonod, tarmán sinda guiraray caining magña tataramon.
43 Asin can macahalê na an catiriponan sa sinagoga, balaquid sa magña Judio asin sa magña banal na naagdang magjudio, na nagsoronod qui Pablo asin qui Bernabé: sinda, nagtatarám sa sainda, pinaghoholitan sinda na magdaranay sa biyaya nin Dios.
44 Asin can sominonod na aldao nin paghignalò, nagcatiripon an cagabsán nin bilog na ciudad, sa pagdaragñog can tataramon nin Dios.
45 Tará can mahiling nin magña Judio si magña catauohan, nagcaparano nin caangotan, asin naquiquisuhay sinda sa magña bagay na isinabi ni Pablo, asin pinagrarapsacan.
46 Dagñan si Pablo asin si Bernabé, nagtararám sa hayag, na nagsarabi, Caipuhan na an tataramon nin Dios sabihon gñôna sa saindo; alagad huli ta isinisicuál ini nindo, asin an pag-isip nindo day camó maninigô sa buhay na day nin catapusan, uya digdi, cami magbabaralic sa magña Gentil.
47 Huli ta siring an isinogo sa samo nin Cagurangnan, na nagsabi,
Ibinugtác co icáng ilao rin magña Gentil,
ta gñaning mani icang cabuhayan sagcod sa caporoporohi nin dagâ.
48 Asin si magña Gentil can madagñog ini, nagcaorogmá asin pinag-oromao an tataramon nin Cagurangnan: asin nagtutubod an gabos na itinalaga sa buhay na day nin catapusan.
49 Asin an tataramon nin Cagurangnan nacauarác sa magña dagang idtó.
