MAGNA APOSTOLES 13.381
27 Huli ta an magña nag-oorontoc sa Jerusalem, asin an saindang magña poón, dahel sa day pacamidbid sa saiya, o sa magña tigñog nin magña profeta na binabasa sa balang aldao nin pagpahigñalo, inotob ninda an magña hula, na hinocoman sia.
28 Asin minsan day sinda nacácuá sa saiya nin dahelan na sucat sia na ipagadan, hinagad ninda qui Pilato na ipagadan sia.
29 Asin can maotob na ninda an gabos na magña bagay na nasusurat dapit sa saiya, ibinabâ sia ninda sa cahoy, asin ibinugtác sia sa saróng lolóbgñan.
30 Tará an Dios binuhay sia sa magña gadana;
31 asin sia nahiling nin haloy na magña aldao caidtong magna nani cairiba nia can pagturucad sa Galilea sagcod sa Jerusalem; sinda magña sacsí nia gñunian sa banuaan.
32 Asin ibinabaretâ mi man sa saindo an evangelio caidtong pagñacó, na guinibo sa magña magurang,
33 na ini inotob nin Dios sa sato, na magña áqui ninda, na binuhay liuat si Jesús; siring sa nasusurat man sa icaduáng salmo: Aqui co, icâ, ipinagñaqui co icá gñunian.
34 Asin sa pagcatotoo na itinindog sia sa magña gadan, ta gñaning noarín pa man day na magbalic sa calapaan, siring an pagcasabi nia. Itataó co sa saindo an magña santong bagay asin tunay na pagcaherac ni David.
35 Caya nagsasabi man sa ibang salmo: Day mo itogot sa saimong Santo na macahiling nin calapaan ó catunauan.
36 Huli ta si David, can macalingcod-na sa saiyang sadiring panahon sa cabotan nin Dios, natorog, asin naquipag-ibá sa saiyang magña magurang, asin nacahiling nin calapaan:
37 Alagad idtong binuhay liuat nin Dios, day nacahiling nin calapaan ó cagadanan.
38 Maguing hayag nangayod sa saindo, magña tugang na lalaqui, na sa gñaran caini ibinabareta sa saindo an pagpatauad nin magña casâlán:
39 asin sa gabos na dahelan sa casogoan ni Moisés na day camo napatotoohan, sa saiya mapatotoohan an gabos na minatobod.
