434
ano man nga labot, mga bul-iw bin mga manunurat nga buutan. Bisan an “Capitan Juan”, usa nga sinurat nga mapinaubsanon waray higawas. Hi patod Primitive may katadungan; an mga magtinumanon say nanunubos ban mga magpakasasala.(26)
Mga upat kun lima ba kauras tikang hadto, ha usa nga hurungko hin mga tawo nga namamagpakadako ha Intramuros, ginhihiruhimangraw an mga hinabo hadto nga adlaw. Mga kalagasan hira ngan mga kadaragan’an nga apal, mga asawa kun anak ba hin mga empleado, nanunul-ot hin bata, namamagpinaypay ngan ipinamamaghinuyam. Dida han kalalakin’an nga, sugad han kababayin’an kinikilala ha dagway an ira gin-adman ngan kun mga diinanon, may uusa nga tigurang nga hamubo ngan kimay, nga amo an ira kinatatahuran ngan baga nahakakayubit han iya katarampo.
—Ha tinuod nga sumat, hadto anay nangangalas ako pagkita han mga prayle ngan han mga sibil tungod han kawaray mga batasan, — nasiring in usa nga matambok nga ginang; —kundi yana nga kinikita ko an ira kahimurulsan, haros mapakasal ako bisan kanay ha ira. Mainugupanon ako han akon tuna.
—Amo man ako!— sinmubad in usa nga magasa; — kanugon nga waray na dinhi an una nga Gobernador; kun diri ba hadto hawanan hin maupay ini nga tuna.
—Ngan titiputipuhon ini nga mga pilibustero! Kay diri ba nasiring nga damo pa in puro nga waray tawo? Kay ano nga diri ngadto halinon inin kadam’an nga indiyo nga mga chiflado? Kun ako in Kapitan Heneral.
—Mga ginang,— ngani han kimay; —an Kapitan Heneral maaram han iya mga turumanon; nasiring nga nasisina kay ito nga Ibarra iya ito gintamo hin mga kaburut’on.
—Gintamo hin mga kaburut’on!— nagsiring an maga sa, nagduro pagpinaypay : — Kitaa hin kabungalos hini nga mga indiyo! Angay isipon ini nga sugad hin tawo?
—Ngan maaram kamo kun ano akon hinmatikan?— nagpakiana in usa nga militar.
—Hala daw! Ano man? Ano kuno?
—Nasiring in mga tuuron nga mga tawo, — nagyakan an militar ha butnga han ira pagmingaw, — nga adto nga aringasa paghinihimuan hin usa nga liburan puro la baba.(27)
—Jesus! Kinmita na kamo?— maghinsiring han mga gi nang nga nanuod dayon han sumat.
