kin'an nagpapaka-waray la nira tuyo pag-usisa; ha siyahan an ira sudoy dida la ha ira libong, haruhapyod hin manok; unina sinarihan pagpaaruantaw, dayon na man uukoy tub.
tob nga nagpakaduok ha tribunal.
Ha sakob hin napulo kaglima kaminutos lain na an mga sumat. Hi Ibarra, kuno, ngan han iya mga suruguon nagitarabag kan Maria Clara ngan hi Kapitan Tiyago nangaway, binuligan han mga sibil.
An kadamo han patay diri na la kay nanapulo kag-upat, kundi kakatluan; hi Kapitan Tiyago samad ngan hadto ngahaw nga adlaw nalakat ha Manila upod an iya bug-os nga panimalay.
An pag-abot han mga kuwadrilyeros nga may dara nga patay, nga pinalpag, ngan ginsusunod hin usa nga sibil, nakalisang han mga tawo. Hinbaruan nga tikang ha kombento; may ada nagbanabana kun hino an patay tungod han nagwiwikilwikil nga tiil; ngadto ha unhan linuwas na gud kun hino; ngadto pa ha uruunhan an patay nagdamo ngan nahanabo an Katingalahan han Pagkatulo Kapersona; unina nasubad an pangasa han pagdamo han tinapay ngan han isda, ngan an mga patay pinmaabot hin katluan kagwalo.
Ha mga ikapito may tunga an takna nagkaabot pa in mga sibil tikang ha higrani nga mga bungto ngan an sumat nga naglalakat dayag na gud ngan tul-id.
—Tikang pa la ako ha tribunal, aadto bilanggo hira D. Filipo ngan hi D. Crisostomo — nasiring in usa katawo kan Hermana Pute; — iginhimangraw ko in usa hiton mga bantay nga kawadrilyeros. Hi Bruno, an anak han ginpatay hin dabal, amo in nagsinumat kagab-i han ngatanan. Sayod ka nga ipinakakasal ni Kapitan Tiyago iton iya anak hin katsila nga batan'on; hi Don. Crisostomo, nga nasina, nagdumot ngan naghunahuna hin pamatay han ngatanan nga katsila, pati han padi; kagab-i sinaka an kuwartel pati an kombento; salamat lugaring, tungod han kaluoy sa Dios, an padi nakadto ha balay ni Kapitan Tiyago. Nasiring nga damo in nagpakalikay. An balay ni D. Crisostomo sinuritan han mga sibil, kun waray pa hiya kadadakop, iinuupod pagsunuga.
—Ginsunog an balay?
—Gindakop ngatanan an mga suruguon. Kitaa daw kun diri ba nag-aaso pa! — nasiring an nagsusumat pinma-
