pisalan, dinmaop ha akon ngan asya in nagsumat han nga-
tanan nga tinago. Ha mga ikawalo an takna sasak'on an
kuwartel hin kalit, susulungon an kombento, dadakpon an
falua ngan panmamatayon kita ngatanan an kakatsilaan.
An alperes lisang na.
—Waray na iba nga iginsumat ha akon han babayi,- hinuman han padi.
—Waray na? Ta, dadakpon ko hiya!
—Diri ako matugot: an hukmanan han magkinumpisa- lon amo an lingkuran han Dios ha pagkaluoy.
—Waray bisan ano nga Dios ngan bisan ano nga pag- kaluoy! Dadakpon ko hiya!
—Nalilisang ka na la. An angay mo buhaton asya an pangandam; ayaw la hin saba, papangapta hin pusil an imo mga sundalo ngan papangup'a; parad'i maupat ngadi ha kombento ngan patuguni an taga falua.
—An falua waray dinhi! Mangangaro ako hin tabag ha iba nga seksyon!
—Ayaw kay mananabot ngan diri igpapadayon an pag- sulod. An maupay gud hini nga panhidakpan ta nga mga buhi kay aton papapanag-asuyon," aw! imo papapanag- asuyon; ako, tungod han akon pagkapadi, diri ako angay sumalakot dida hini. Panginano! Dinhi hini hikakaplagan mo in mga cruz ha dughan ngan mga bituon ha sugbong; pinangangaro ko la nga igpahamtang mo nga ako amo an nagpasabot.
—Igpapahamtang, padre, igpapahamtang ngan tingali man liwat kahulugan ka hin usa nga mitra! - nagbaton an alperes, dako an kalipay, ngan nagkikinita na han mga pako han iya uniporme.
—Ta, parad'i ako maupat nga guwardiya, ha? Manag- sul-ot la hin pagkapaysano; paghirot! Niyan nga gab-i ha mga ikawalo an takna, mauran hin mga bituon ug mga cruz.(5)
—Hamtang nahananabo ini, may nagdidinalagan man nga usa nga tawo tipakadto han balay ni Crisostomo ngan sinmaka hin dagmit ha hagdanan.
—Aada an imo agaron? nagpakiana han suruguon an tingog ni Elias.
—Aadto ha iya gabinete, may buhat.
Hi Ibarra, paglibanglibang niya han uras nga iginhi- hinulat ngada han pagkahimangraw nira ngan hi Maria Cla-
