yon, nagkukuriot, bunyog an iya kapinit nga bayhon nga nahakakatawa baga an banyaga.
—Aha, Padre Cura! kinakadto ta na unta ikaw, iton kanding mo ...
—May ada ko tuyo nga kaudganan gud kaupay ... —Diri ako maruruyag nga pagbinungkagon iton akon alad... bumalik pa ngani pupusilon ko!
—Oo, kun mabuhi ka pa ngada buwas! — ngani han padi nga naghihingahinga nga nauswag.
—Ano? Nakakasiring ka nga papatayon ako hito nga mutato nga kamumul-at pa la? Babanyakan ko la hiya!
Hi P. Salvi inmisol ngan sinmiplat han tiil han alperes.
—Hino imo hinnanabihan?— nagpakiana, nakurog.
—May lain pa kun diri ito nga buog nga inmayat ha akon pakigpusilay hin rebolber ha may usa kagatos kapitad nga pagkaantaw?
—Aw! nakaginhawa an padi ngan magsiring; —nakanhi ako pagsumat ha imo hin usa nga kahimtang nga paurudgon kaupay.
—Asahan ka man! Masugadsugad sabuot ko han duha nga kabataan!
Kun diri la lana an ira suga ngan an lubo diri uraura kamahugaw nakakakita gud an alperes nga iginduduas an padi.
—Yana mahatungod gud han kinabuhi han ngatanan!
—namulong ini hin hamubo nga tingog.
—Tinuod?— nakagmugo an alperes nga ginduruas dayon; —maupay pumusil ito nga batan’on?
—Diri hiya akon.
—Hino man?
An prayle tinmudlok ngadto ha purtahan nga sinadhan dayon han alperes han iya kabatasanan nga pagsada, binanyakan. An alperes diri nagkikinahanglan han iya kamot; kun napuro la ngatanan tiil(2) diri pa niya ikinahihirak. Usa nga buyayaw, upod in usa nga ngurutob, asya an binmaton tikang ha gawas.
—Mananap! binuong mo an akon agtang!— ginmuliat an iya asawa.
—Yana pagwagwag!—(3) ginsiring an padi.
Ini nagkinita anay ha iya hin maiha; katima, magpakiana, hin nginuhok ngan makauurit nga tingog, batasan
