—Bay'i daw hin luya! An padi, makatulo, upat, birik- ngan sumiring deminos pabiskom,(14) nakaon han Dios ngan nakakasalapi. Ngatanan, pati an kababayin'an nagsumumat ha iya han ira mga tinago!
—An Doktor? Ano an hunahuna mo han doktor? An doktor nakakakita han ngatanan nga tinago niyo han kaba bayin'an, nanhihimurso han kadaragan'an... ba daw la ako magdodoktor ma kanan usa kasimana!
—Kay iton padi? Diri iton padi nakakakita man hiton hinkikit'an hiton doktor? Alagadaw! mauruupay pa ngani! Diri ka han siringanon: "An matambok nga ugang ug an malison nga paa kanan padi"?
—Ada, oo; nakaon hin bulad nga tamban in doktor? Ginhahapdusan hiton mga tudlo pagkinaon hin mag-asin?
—Naghuhugaw iton kamot hiton padi sugad hiton imo mga mananambal nga doktor? An padi diri, sanglit kay damo in mga karaanan, ngan kun nagbubuhat dinuduyugan hin musika ngan binubuligan hin mga sakristan!
—Iton pagpakumpisal, kumadi, diri ito buhat?
—Pastilan nga buhat! Bisan daw ako mapapangumpisal hinin bug-os nga kalibutan! Namamagginuol kita nga hibaruan ta la kun ano an binubuhat hinin kalalakin'an ug kababayin an, kun nag-aano an aton mga higrani! An padi nalingkod la, ngatanan nadaop pagsumat; usahay ngani nakaturog, kundi han pagbibindisyon nakakaduha o nakakatulo, nagigin-anak kita liwat sa Dios! Ba daw la ako magpapadi bisan mausa la kakulop kun kwaresma!
—Iton... pagwali? Diri ka hito masiring nga diri maguol. Kitaa la kanina han aga han dako nga padi kun diri ba iginpapamamalhas! —nalantugi pa an tawo nga naabat na nga linulupigan hiya.
—An pagwali? Maguol an pagwali? Ikinakain mo iton imo panhunahuna? Hinaot pa unta nga makakag- yinakan ako hin tunga hin adlaw tikang didto ha walihan, pag-inisog ngan pagbinusa han kadam'an hin waray ha akon magpapasipara pagbaton, ngan babaydan pa ako! Kun magiginpadi la ako bisan mausa kaaga kun maningba iton nagpapakautang ha akon! Kitaa daw, kitaa hi P. Damaso nga nagtitinambok la hin pagbinusa ug pagpinanlamba.
Matuod man gud, nagtitidaop hi P. Damaso, nag-iinul- inol, dapit nahapapahiyom, kundi hiyom nga kanan na-
