mot han imo pagtutdui panhimo hin singlot ngan hin gukon.(11)
—Matuod iton imo, Petra; ako liwat natuod ako nga iton imo anak dako in aabutan... magkakurikuri la, mapatriarka. Waray pa ako igkita hin sugad nga bata nga nahabaro la dayon han buhat! Mag-Papa na ngani, kun mag-obispo man, mahanunumdom na ito ha akon kun halangkag panhimo hin singlot nga surudlan hin bisan la ano didto ha kusina. Iya na man la adto igmimisa an akon kalag, he he!
Ngan puno hini nga paglaom, an buutan nga tigurang nagbayo liwat hin mam'on pinuno la hin buyo an iya bayuan.
—Kun dunggon sa Dios inin akon mga pag-ampo ug matuman inin akon mga paghingyap, sisidngon ko hi Andoy: "Intoy, kuhai kami hinin amon mga sala ngan papanak'a kami ngadto ha langit. Diri na kami angay magpinangadi, magpinuasa, magpinalit hin mga bula. An may anak nga Papa makakagpinakasasala na!
—Pakadtua buwas ha balay, Petra, —nagsiring an tigurang, nasisindak na; tututduan ko hin tututduan ko hin pagguray hin nito!(12)
—Uy tara! ano in hunahuna mo, apoy? Nakakasiring ka nga an mga Papa nagbabantad pa han mga kamot? Iton padi, nga padi la ngani, pagmisa na la an gin-gugul'an... kun nabirik man la ngani! Ta, an arsobispo diri na nabirik, nagmimisa nalingkod; ta, say pa an Papa... An Papa nagmimisa nahigda, may paypay! Ano in imo hito?
—Diri maano, Petra, maupay ngani kun habaro hin pagguray hin nito kay upayda na la kun makapamaligya hin mga takukong ug mga pitaka basi diri na magpinakilimos, sugad hiton binubuhat dinhi hiton padi ikinatuig, nga nasiring nga kanan Papa. Naluluoy ako pagkita hin usa nga santos nga kablas, salit ihinahatag ko gihapon ngatanan iton akon nahihipos.
Dinmaop in usa pa liwat nga parauma nga nagsiring:
—May ada ko na pinatuturunan, kumadi;(1) iton akon anak magdodoktor; waray na sugad han doktor!
—Kadoktor! saba daw, padi! binmaton hi Petra: —waray na sugad han kapadi!
—Kapadi? brrr! padi! An doktor naaro hin damo nga salapi, ginhahangad han mga magsakit, kumadi.
