237
la hin yangbat han magwarali, nawara han gintatamdan, salit nakalaktaw hin tulo nga haglaba nga pundok han wali ngan nagsayop hin pagsulsog kan P. Damaso nga pinmahuway anay nadaliay, naghihingahinga, hadto nga iya paniguro.(10)
—Hino ha iyo, mga magpakasasala nga namamati, in magahom pagdila han kasamdan hin usa nga makaluluoy ug mahugaw nga makililimos? Hino? Bumaton, itigbaw an kamot! Waray! Maaram na ako: uusa la nga santos sugad kan Diego de Alcala an makakahimo; iya gindila an kaduntan ngan sidngon in usa nga hermano nga nahapapahungat: "Sinusugad hini an pagbulong hini nga masakit!" Oh, pagkaluoy nga kristuhanon! Oh kapid nga waray sanglit Oh katadong han kamatadong! Oh banal nga diri matupngan! Oh sangod nga waray dum-it....
Ngan igpadayon in halaba nga mga pagtawag, kinukugos an kamot ngan iiniigbaw-inuubos, sugad hin nag-iilulupad o tingali nagtatabog ada hin mga tamsi.
—Ugsa mamatay nakayakan hin latin, diri ngani maaram hin latin! Tigamni niyo, mga magpakasasala! Kamo bisan niyo gintitinuunan, bisan kamo ginlilinamba tungod hito, diri kamo magpapakayakan hin latin, magkakamatay kamo diri kamo hito manhihibaro! An pagyakan hin latin usa nga gawad sa Dios, salit an Singbahan maaram hin latin! Ako maaram man hin latin! Kay ano? Igdidiri ini sa Dios nga kalipay han iya hinigugma nga Diego? Mahihimo hin kamatay, mahihimo pabay'an niya nga mamatay nga diri pa maaram maglatin? Diri! An Dios diri daw matadong, diri daw Dios! Nagyakan hin latin, ngan ini gintitistigusan han mga manunurat hadto nga panahon! —ngan tapusan an iya pamulong hinin masunod nga bahin nga asya an labi nga iya gin-gul'an, nga iya sinubad hin usa nga bantog nga manunurat nga amo hi Go. Sinibaldo de Mass.(11)
—Gintatahod ta ikaw, hamili nga Diego, dungog han amon katig-uban! Puno ka hin katadong; waray labyaw nga may dungog; ubos nga may kahitaas; mainalagdon nga may kadig-on; maukoy nga may talinguha; kaaway nga may pagtamod; mapinairon nga may pagpasaylo; padi nga may paghirot; matinumanon nga mainampuon; matinuuhon nga waray pagriwa; uray nga may paghigugma; mahilom nga may tinago; mainantuson nga may pagilob; maisog nga may pagkahadlok; mapugong nga
