236
ngan say la niya ginpipinanumdom, hamtang say niya ginkikinita, igo man nga duro an iya pagpinamaypay, an tudo
nga baka, nga upod han usa han mga ebanghelistas, nga
pagkit'on daw gutiay nga karabaw.
—Angay kita ngatanan magpakatanog han mga Santas Escrituras, han kinabuhi han mga santos, basi diri na unta ako magwinali ha iyo, kamo nga mga magpakasasala; angay kamo manhibaro han mga kaudganan ug kasuruk'an hibaruan, sugad han Amay Namon nga damo na ha iyo an nanhihingalimot, baga kamo in mga protestante, o mga irihis. nga diri nagtatahod han mga tinubyanan sa Dios, sugad kamo hin kainsikan, kundi magkakahuhulog kamo ha impyerno, labi nga maraot ha iyo, mga kondenados!
—Oy! Ano ito pali Lamaso,(9) ito?- nagngurudo hi Insik Carlos, nasisina, nagkikinita han magwarali nga nagpapatakas na la hin yawyaw, ginpapasunudsunod an mga busa ug mga panampalas.
—Magkakamamatay kamo hin diri makakapaghinulsol, mga tulin kamo hin mga irihis! Pinasisirutan na kamo sa Dios, dinhi pa ha kalibutan, hin mga bilangguan ug mga pandugan! An mga bumabalay, an kababayin'an, angay ha iyo pumahirayo, angay kamo ngatanan ipapanmatay han mga punuan basi an tulin ni Satanas diri dumamo ha sakob han gin-aataman han Ginoo!... Hi Jesucristo nasiring: "Kun may usa niyo nga bahin han lawas nga maraot ug nakakaaghat hin pakasala, utda niyo ngan isugba ha kalayo."
Hi Fr. Damaso hangit na, nahangangalimot na han iya wali ngan han lagda han pinulungan.
—Nakabati ka?- nagpakiana han iya kaupod in usa nga estudyante ha Manila; -uutdon mo?
—A! Hiya anay in umuna!-binmaton an upod, tinutudlok an magwarali.
Hi Ibarra kinmiot; naniplat paluyuluyo pamiling hin usa nga piliw, kundi luob an singbahan hin tawo. Waray bisan ano nga hinbabatian ni Maria Clara, waray ano man niya nga nakikita, kay nahamamalanga pagkinulaw han estampa han mga kalag ha Purgaturio, nga may mga dagway hin lalaki ug babayi nga waray mga panapton, nga may mga mitra, kapelo o sukong man, nga nagkakaluluto ha kalayo ug nanngangapyot dida han bakgong ni San Francisco nga waray kauutod bisan duro na an bug-at.
An espiritu santo nga prayle, dara han pagpatakas na
