pako in kapangon nga kasisidman nga ha iya naglalanat; kun aadto kamo ha sakob hin usa nga balay nga guba ngan tay-aw, mababati niyo in mga uwang, mga haroy nga pa- kakasidngon niyo nga agi han haganas han hangin dida han mga puto ug mga bungbong, kundi nakakapuno ha iyo hin kahadlok ngan diri niyo naiilob an pakapangurog; ta, an tingog hadto nga iroy labi pa kamakaharadlok hito nga mga uwang nga hinbabatian ha kasisidman han gab-i kun nagbababagyo.
Nagab-ihan hiya dida hini nga kasugad. Tingali adto pinakaturog hiya han langit hin nga pira kauras ngan ha sulod hadto nga paghingaturog hinapuhap han di-kini- kita nga pako hin manulunda an iya nawong nga duason pagpara han mga panumdom nga puro la kasakit; tingali kun adto ngatanan nga mga kasakit diri na angay mailob han maluya naton nga kalawasan, salit naluoy an Iroy nga Ma- luluuyon hin pagpakalimot ha iya; kundi bisan pa adto kun ano, an kamatuuran nga han kabuwas han aga hi Sisa naglilinakat matawatawa, nagkikinanta, nagyiyinakan ha ngatanan nga binuhi ha Kalibutan.
Nahagos in tulo kaadlaw tikang mahinabo an mga ka- agi nga aton na hinnabihan. Ha sulod hini nga tulo kaad- law, ngan tulo kagab-i, an bungto ha San Diego nalibang han pag-inandam han patron ngan hin hiniruhimangraw sugad man hin panlibak.
Dida han nagpaparasa hira han mga tidaraon nga mga kalipayan may ada nalibak han gobernadorsilyo, may ada han tenyente mayor, may ada han mga batan'on pa, ngan may ada man nagsasayop han ngatanan ha ngatanan.
Nahamamangraw han pag-abot ni Maria Clara ngan hi iya Dada Isabel. Nalilipay hira tungod kay ira inugayan hi Maria Clara, labot pa nawiwili hira han iya kamahusay, nahapapausa man liwat hira han paglinubadlubad han bata- san ni P. Salvi. "Masukot hamalanga dida ha pagmisa; diri na makihihimangrawon ha amon ngan inaabat nga nagtitidu- gang pagginasa ngan pagminud-ot," nasiring an mga para- pangumpisal. An parapanluto naabat nga nagtitigasa nga uraura ngan nauba nga diri ngani tinitilawan han padi an iya mga linuto. Kundi an hinpapausahan hin duro han mga
