misola ha adlaw-adlaw ngan an pagdiri han kadamo nga mga binurdahan nga ira sapot. Katima, dadad’on ha kadam’an nga balay panungbalay han mga urupod kay manhaharok han kamot; didto pasasayawon, pakakantahon, paluluwason han pagpasalamat nga ira hinbabaruan, maruyag-rumiwa, umayon-diri han ira mga sul-ot, lakip an mga kulitog o paghimulay nga kabatasanan kun pinanunulos hin pamaglinurong. Tinatagan hira hin kuwarta han mga urupod nga dayon kukuhaa han ira kag-anak ngan masukot diri na nahauuli.
An waray ruhaduha nga ira hin-aaguman dida him nga mga pyesta amo an agi han mga kulitog, an kamakuri han dinara ha lawas ngan kaduwas an dusol tungod han lunlon nakakaon nga mga karan’on ha balay han mga kaurupdan. Kundi amo ini an kabatasanan ngan an kabataan nga pilipinhon nahamumugso dida hini nga mga ugay, nga ha katapusan amo an diri uraura kamabiduon, diri kaupay mabug-at pagdad’on hadto nga mga tawo....
An mga tawo nga hamtong na, nga naglulugaring na pag-ukoy, nairog hini nga pyesta. Nalaoy han mga kag-anak, kabataan, naluhod ha usa nga tuhod ngan naghahatag hin maupay nga pasko; an ira pinaskuhan amo in mga magtam-is, bunga hin kahoy, usa kabaso nga tubig o usa nga gutiay nga hatag nga an tuman nga himurulsan.
Hi Tandang Selo nagkikinita han iya kasangkayan nga nagpapanlabay ngan nagpipinanhunahuna hin mapait nga hadto nga tuig waray gud niya andam nga pinaskuhan ha bisan la kanay, ngan an iya apo 1mmakat, sugad man waray, ngan waray ngani paghatag hin maupay nga pasko. Tinuyo adto ni Juli basi hiya diri mabido o paghingalimot?
Han pagtapo ni Tandang Selo han iya kaurup dan nga nagpanungbalay, dara an ira kabataan, ha dako niya nga paghipausa, waray hiya pakayakan. Kawang an iya panalinguha, waray gud tingog nga iya naluluwas. Ginhinapyod niya an iya but-ol, ipinipiling an iya ulo, waray gud nahihimo! Nag-itarawa kundi an mga im-im kinmurog la; usa nga tingog daw an huydp hin hasuhasan amo la an iya nahimo. Nanhipanganga, pinanngalasan an kababayin’an.
—Ngula na, ngula na!—naggugfiat, nagkakalilisang ngan gilayon narigumok.
