matudol dida ha butnga han kalagyan daw sugad la hiya liin ayam. Hadto nga panahon magpapamati ha iya hin matiid, ngan iya hira pababation hin mga pulong nga waray pa hibarui dida hadto nga ruwang; pana hon adto nga ikalilimot niya anay ha iya ngahaw kay say niya hinunumduman an magpakaluluoy nga mga magturuon nga tidaraon, ngan adto nga iya pamumulungon amo an iya igpapakatakos pagsulod ha katilingban han mga tawo.
Amo ini an panhunahuna ni Basilio han paglaoy niya han linubngan ni iya nanay. Nag-iiuruli na unta hiya ngadto ha bungto han pakasiring nga kapaw’an an iya hinkit’an nga sinmulhog dida han mga sanga han kakahuyan ngan nakabati hiya hin karasikas, barahunog hin pitad ngan hinagusihis han mga dahon... An silaw naparong, kundi an hunughunog nagtikadako ngan ha gilayon iya hinkit’an in usa nga lambong nga hinmataw dida ha butnga han napapawangan, ngan naglalakat tikadto han iya hinmumutangan.
Kinaiya ni Basilio an diri kadiwatahan, labi nga hiara hin pagtinirustiros hin kamiminatyan ngan nakadamo na tawaga ngadto hin naghihingutas; kundi an mga kadaan nga susumaton mahatungod hadto didto nga panlubnganan, an uras ha magkatutnga, an kamasirom, an mamingawon nga huyuhoy han hangin, ngan han mga sumat nga iya nabati han bata pa hiya, nakabantad han iya panhunahuna ngan inmabat nga an iya kasing-kasing nadinagukdok.
An lambong hinmunong didto ha luyo han dalakit nga hinkikit’an han batan’on dida han ginkakaultan hin dudha nga gamot, nga naginduha nga dagko nga puno. Hinmukad didto ha sakob han iya panapton hin usa nga flashlight nga iya ibinutang ha tuna salit nagtiwak hin usa nga sapatos nga ipangarabayo: an iba nga bahin han lawas nakadto ha kasisidman. An lambong baga nanguot han iya mga hupaw, katima kumaob kay itinalob in surab hin usa nga agpad dida ha katapusan hin tungkod. Hi Basilio, ha dako nga paghipausa, baga nakakilala han mga link ni Alahero Simoun. Kay amo gud man hiya.
