ha dagat. Nagbalintuwad anay ngan nagtipaubos hin tigda,
kinmurba anay ngan nag-inggat dida han iya maidlap
nga bungkog in mga pira nga labsagon nga silaw.
Hinkit’an han tigurang nga nagtalbo an tubig, hinbatian
in tumbigan ngan an kahiladman nagkipot, linam-oy an
bahandi. Hinmulat nadaliay pagkita kun may ibalik pa
pagpalutaw han lawod, kundi an dagat binmalik pagtakom
hin diri sarabuton sugad han kanina, waray dumugang
bisan usa han iya mga kunot ha bawbaw, sugad hin ngadto
han kahaluagan han dagat say la nahulog in usa nga bato.
—Himuson ka han dagat didto han iya mga kahilad man, ha butnga han mga bagangbang ug mga mutya ha ilarom hiton iya dayon nga mga balod!—nagyakan na ngahaw an padi inuunat hin makatarag-ob an kamot. Kun an mga tawo magkinahanglan ha imo basi gamiton ha birilhon ngan hataas nga katuyuanan, an Dios na in maaram magkuha ha imo dida ha ilarom han kalalawdan.... Hamtang diri, dithon ka la anay basi diri ka makagbuhat han maraot, diri ka makagbari han katadungan, diri ka mag-aghat han mga pagkahakdg!...
