-An mga prayle?
-Hi insik Quiroga?
-Usa adá nga estudyante?
-Hi Makaraig?
Hi Kapitán Toringgoy nag-iinigham ngan nagkikinita kan Isagani.
Hi Chichoy pinmiling han ulo.
-Hi Simoun an alahero! .
-Hi Simoun!...
Usa nga kamingaw, dará han paghitingala, say sinmunód hini nga mga pulong. Hi Simoun, an kalág nga itóm han Kapitan Heneral, an gimanggarani ngan tag-iya hin mga bató nga diri pa itinaod, hi Simoun nga natapó han kadaragan'an ni Orenda hin maupay nga pakiangay ngan maruruyagon ha ira hin pakihimangraw nga madinayawon! Hingan kay an sumat makuri tuuron, ginmatuuran lugód. Credo quia absurdum,2 nagsiríng hi San Agustin.
-Kundi hi Simoun, di ba nakadto han panagtawo kagab-i?-nagpakianá hi Sensia.
-Oo, nagsiring hi Momoy,-kundi yaná nahanunumdom ako! Linmakát han nagiipanarangka na kami panihapon. Linmusad pagkuha han iya regalo de bodas.
-Kundi, diri ba sangkay hiyá han Heneral? Diri ba sosyo ni don Timoteo?
-Oo, nakigsosyo basi matagan hin higayón han iya bubuhaton ngan mapuo niya an ngatanán nga kakatsilaan.
-Amo!-nagsiring hi Sensia;-yaná nasabót na ako!
-Han anó?
-Kamó diri kamó natuod kan Tiya Tentay. Hi Simoun amo an manunulay nga nakapalit han mga kalág han ngatanán nga kakatsilaan... amo an sirín ni Tiya Tentay!
Hi Kapitana Loleng nangudós, sinmiplat hin mav kabaraka han mga bató kay nahadlok bangin magkahihimo nga baga: tinalso ni Kapitán Toringgoy an singsing nga tikang didto kan Simoun,
-Hi Simoun nawará, waráv gud bilin hin tunob.- nagsiring hi Chichoy;-ginbibiniling yaná han Guardia Civil.
-Oo!-nagsiring hi Sensia,-pamilngon an demonyo! Ngan mangudós. Yaná sinasabót na in damo nga bu-
